Authorization
Mon Jan 19, 2015 06:51 pm
విష్ణు విశాల్ హీరోగా, చెల్లా అయ్యావు దర్శకత్వంలో తెరకెక్కుతున్న స్పోర్ట్స్ డ్రామా 'మట్టి కుస్తీ. ఆర్ టీ టీమ్వర్క్స్, విష్ణు విశాల్ స్టూడియోస్ బ్యానర్లపై రవితేజతో కలిసి విష్ణు విశాల్ ఈ చిత్రాన్ని నిర్మిస్తున్నారు. 'ఎఫ్ఐఆర్' తర్వాత రవితేజతో కలిసి విష్ణు విశాల్ చేస్తున్న రెండో చిత్రమిది. ఇందులో విష్ణు విశాల్కు జోడిగా ఐశ్వర్య లక్ష్మి నటిస్తోంది.
మేకర్స్ తాజాగా సినిమా విడుదల తేదీని ప్రకటించారు. డిసెంబర్ 2న ప్రపంచ వ్యాప్తంగా ఈ చిత్రం ప్రేక్షకుల ముందుకు రానుంది. ఎనౌన్స్మెంట్ పోస్టర్లో ఫిరోషియస్ లుక్లో ఐశ్వర్య కుర్చీపై కూర్చుని ఉండగా, విష్ణు విశాల్ ఆమె వెనుక నిలబడి ఉన్నాడు. ఫస్ట్, సెకండ్ లుక్ పోస్టర్స్ ద్వారా మేకర్స్ సినిమాలోని యాక్షన్, రొమాంటిక్ సైడ్స్ చూపించారు. రిలీజ్ డేట్ పోస్టర్ సినిమాలో స్త్రీ పాత్రకు ఉన్న ప్రాధాన్యతను తెలియజేస్తోంది.హై యాక్షన్తో కూడిన ఈ సినిమాలో విష్ణు విశాల్ రెజ్లర్గా నటిస్తున్న సంగతి తెలిసిందే. ఈ సినిమా ప్రస్తుతం పోస్ట్ ప్రొడక్షన్ దశలో ఉంది. ఈ చిత్రానికి రచన, దర్శకత్వం: చెల్లా అయ్యావు, నిర్మాతలు: రవితేజ, విష్ణు విశాల్, డీవోపీ: రిచర్డ్ ఎం నాథన్, సంగీతం: జస్టిన్ ప్రభాకరన్, ఎడిటర్: ప్రసన్న జికె, ఆర్ట్ డైరెక్టర్: ఉమేష్ జే కుమార్, లిరిక్స్: వివేక్.