కాస్కేడ్‌ పిక్చర్స్‌ పతాకంపై రావణ్‌ నిట్టూరు హీరోగా రమేష్‌ డబ్బుగొట్టు, రెడ్డి రాజేంద్ర పి నిర్మిస్తున్న చిత్రం 'అలిపిరికి అల్లంత దూరంలో'. ఆనంద్‌ జె ఈ చిత్రంతో దర్శకుడిగా పరిచయం అవుతున్నారు. యూనిక్‌ రాబరీ థ్రిల్లర్‌గా తెరకెక్కిన ఈ చిత్రం ఈనెల 18న రిలీజ్‌ కానుంది. ఈ నేపథ్యంలో దర్శకుడు మారుతి ఈ చిత్ర థియేట్రికల్‌ ట్రైలర్‌ని విడుదల చేశారు. ఈ సందర్భంగా నిర్మాతలు మాట్లాడుతూ, 'పాటలు, టీజర్‌, ట్రైలర్‌తో సినిమా పై మంచి బజ్‌ వచ్చింది. రాబరీ డ్రామాలో డివైన్‌ ఎలిమెంట్‌ థ్రిల్లింగ్‌ ఎక్స్‌పీరియన్స్‌ ఇస్తుంది. మెగా ప్రొడక్షన్స్‌ సినిమాని పంపిణీ చేస్తోంది' అని తెలిపారు. 'ఈ చిత్రంలో ప్రతి సీన్‌లో వేంకటేశ్వర స్వామి రిఫరెన్స్‌ ఉంటుంది. అది ఎందుకు పెట్టామో క్లైమాక్స్‌లో తెలుస్తుంది' అని దర్శకుడు ఆనంద్‌ జె అన్నారు. హీరో రావణ్‌ మాట్లాడుతూ, 'ఇది నా తొలి సినిమా. సినిమా అద్భుతంగా వచ్చింది' అని తెలిపారు.
