తొలి సినిమా 'స్వాతిముత్యం'తో ప్రశంసలు అందుకున్న హీరో బెల్లంకొండ గణేష్‌ నటించిన తదుపరి చిత్రం 'నేను స్టూడెంట్‌ సర్‌'. శనివారం గ్రాండ్‌గా జరిగిన టీజర్‌ లాంచ్‌ ఈవెంట్‌లో దర్శకుడు వి.వి.వినాయక్‌ టీజర్‌ను విడుదల చేశారు. ఈ సందర్భంగా ఆయన మాట్లాడుతూ,'సతీష్‌ తీసిన 'నాంది' సినిమా చూశాను. ఎక్కడా రాజీ పడకుండా మంచి కంటెంట్‌తో తీశారు. ఇప్పుడు ఆయన సంస్థలో గణేష్‌ సినిమా చేయడం చాలా ఆనందంగా ఉంది. టీజర్‌ చాలా బావుంది. ఈ సినిమాతో గణేష్‌కి మరో విజయం రావాలని కోరుకుంటున్నాను. అవంతిక ఈ సినిమాతో హీరోయిన్‌గా పరిచయం అవుతోంది. వాళ్ళ అమ్మ భాగ్యశ్రీలానే అవంతిక కూడా మంచి పేరు తెచ్చుకోవాలి. దర్శకుడు రాఖీతో పాటు ఈ చిత్రానికి పని చేస్తున్న నటీనటులు, సాంకేతిక నిపుణులందరికీ బెస్ట్‌ విషెస్‌' అని తెలిపారు.
''స్వాతిముత్యం' లాంటి మంచి సినిమాతో ప్రేక్షకుల ముందుకు వచ్చానని ప్రేక్షకులు యాక్సప్ట్‌ చేయడం నాకు చాలా నచ్చింది. అయితే ఆ సినిమా విడుదల కాకముందే నన్ను బలంగా నమ్మి ఇంత ఖర్చు చేసి ఈ చిత్రాన్ని నిర్మించిన సతీష్‌కి కతజ్ఞతలు. ఈ సినిమా ఖచ్చితంగా ప్రేక్షకులని అలరిస్తుంది' అని హీరో బెల్లంకొండ గణేష్‌ చెప్పారు.
నిర్మాత 'నాంది' సతీష్‌ వర్మ మాట్లాడుతూ, 'నా మొదటి సినిమా 'నాంది' చాలా సక్సెస్‌ అయ్యింది. ఈ సినిమాలో చాలా మంచి కంటెంట్‌ ఉంది. టీజర్‌ ఎంత ఆసక్తికరంగా అనిపించిందో సినిమా కూడా ఇంతే ఆసక్తికరంగా ఉంటుంది' అని అన్నారు. 'ఈ చిత్రంతో దర్శకుడిగా పరిచయం అవుతున్నాను. సతీష్‌ లాంటి నిర్మాత దొరకడం చాలా అదష్టం. సినిమా అందర్నీ అలరిస్తుందనే నమ్మకంతో ఉన్నాం' అని దర్శకుడు రాఖీ ఉప్పలపాటి చెప్పారు.
