నాని సమర్పణలో వాల్‌ పోస్టర్‌ సినిమా బ్యానర్‌ పై ప్రశాంతి తిపిర్నేని నిర్మిస్తున్న యాంథాలజీ 'మీట్‌ క్యూట్‌'తో స్ట్రీమింగ్‌ రంగంలోకి అడుగుపెడుతున్నారు. నాని సోదరి దీప్తి గంటా ఈ చిత్రంతో దర్శకురాలిగా పరిచయం అవుతున్నారు.
ఈ సిరీస్‌ హక్కులను సోనీ లివ్‌ పొందింది. తాజాగా 'మీట్‌ క్యూట్‌' టీజర్‌ని మేకర్స్‌ రిలీజ్‌ చేశారు. 'భావోద్వేగాలని టీజర్‌ అద్భుతంగా ప్రజంట్‌ చేసింది. ప్రేమ, కోపం, ఆశ, భయం, ఆశ్చర్యం, నమ్మకం, సంతోషం ఇలా అన్నీ భావోద్వేగాలు ఆకట్టుకునేలా ఉన్నాయి. దీప్తి గంటా తన మొదటి ప్రయత్నంలోనే రచయిత్రిగా, దర్శకురాలిగా గ్రేట్‌ ఇంపాక్ట్‌ని చూపించారు. సిరీస్‌లో కథలన్నీ అందరూ రిలేట్‌ చేసుకునేలా, అన్ని వర్గాలా ప్రేక్షకులకు కనెక్ట్‌ అయ్యేలా రూపొందించారని టీజర్‌ చూస్తే తెలుస్తోంది. సత్యరాజ్‌, రోహిణి మొల్లేటి మెయిన్‌ పిల్లర్స్‌ కాగా, అదా శర్మ, వర్ష బొల్లమ్మ, ఆకాంక్ష సింగ్‌, రుహాని శర్మ, సునైనా, సంచిత పూనాచా కథానాయికలుగా, అశ్విన్‌ కుమార్‌, శివ కందుకూరి, దీక్షిత్‌ శెట్టి, గోవింద్‌ పద్మసూర్య, రాజా తమ పాత్రల్లో కథనాన్ని అద్భుతంగా ఆవిష్కరించారు.వసంత్‌ కుమార్‌ సినిమాటోగ్రఫీ, గ్యారీ బిహెచ్‌ ఎడిటింగ్‌ ఆకట్టుకున్నాయి. టీజర్‌ విజువల్‌ ట్రీట్‌గా ఉంది. విజరు బుల్గానిన్‌ తన బ్యాక్‌గ్రౌండ్‌ స్కోర్‌తో సరైన మూడ్‌ని సెట్‌ చేశారు. అవినాష్‌ కొల్లా మాస్టర్‌వర్క్‌ టీజర్‌లో స్పష్టంగా కనిపిస్తుంది' అని మేకర్స్‌ చెప్పారు.
