హీరో అశ్విన్‌ వైవిధ్యమైన సినిమాలు చేస్తూ తనకంటూ ఓ ప్రత్యేకతను సంపాదించుకున్నారు. ప్రస్తుతం ఆయన కథానాయకుడిగా తెరకెక్కుతున్న డిఫరెంట్‌ యాక్షన్‌ థ్రిల్లర్‌ 'హిడింబ'. అనీల్‌ కన్నెగంటి దర్శకత్వంలో శ్రీ విఘ్నేశ్‌ కార్తీక్‌ సినిమాస్‌ బ్యానర్‌ పై శ్రీధర్‌ గంగపట్నం ఈ చిత్రాన్ని నిర్మిస్తున్నారు. నందితా శ్వేత హీరోయిన్‌గా నటిస్తున్న ఈ చిత్రం తాజాగా షూటింగ్‌ పూర్తి చేసుకుంది. ఇప్పటికే విడుదలైన ఈ చిత్ర ఫస్ట్‌ లుక్‌, టీజర్‌కు ట్రెమండస్‌ రెస్పాన్స్‌ వచ్చింది. హైవోల్టేజ్‌ యాక్షన్‌ సీక్వెన్సులు ఆడియన్స్‌ని థ్రిల్‌ చేశాయి. ఒక షాకింగ్‌ పాయింట్‌తో, బ్రాండ్‌ న్యూ యాక్షన్‌ థ్రిల్లర్‌గా తెరకెక్కిన ఈ సినిమా కోసం అశ్విన్‌ సరికొత్తగా మేకోవర్‌ అయ్యారు.
సిజ్జు, మకరంద్‌ దేశ్‌ పాండే, రాజీవ్‌ పిళ్లై, సంజరు స్వరూప్‌, శుభలేఖ సుధాకర్‌, శ్రీనివాస రెడ్డి, రఘు కుంచె, రాజీవ్‌ కనకాల, ఛత్రపతి శేఖర్‌, అజరు రత్నం, దీప్తి నల్లమోతు, సమీర్‌ తదితరులు నటిస్తున్న ఈ చిత్రానికి సినిమాటోగ్రఫీ: బి.రాజశేఖర్‌, ఎడిటర్‌: ఎం.ఆర్‌.వర్మ, ఫైట్స్‌: రియల్‌ సతీశ్‌, జాషువా, అనీల్‌ కన్నెగంటి, సంగీతం: వికాస్‌ బడిసా, కొరియోగ్రఫర్స్‌: యశ్‌, రాజు, డైలాగ్స్‌: కళ్యాణ్‌ చక్రవర్తి, లిరిక్స్‌: రామజోగయ్య శాస్త్రి, ప్రణవం, విరించి పుట్ల, కాస్ట్యూమ్‌ డిజైనర్‌: మౌన గుమ్మడి, ఆర్ట్‌: షర్మిల యలిశెట్టి.
