'ఫలక్‌నుమా దాస్‌'తో తన దర్శకత్వ ప్రతిభని నిరూపించుకున్న హీరో విశ్వక్‌ సేన్‌ తాను టైటిల్‌ రోల్‌ పోషిస్తున్న పాన్‌ ఇండియా మూవీ 'దాస్‌ కా ధమ్కీ'కి దర్శకత్వం వహిస్తున్నారు. వన్మయే క్రియేషన్స్‌, విశ్వక్‌ సేన్‌ సినిమాస్‌ బ్యానర్లపై కరాటే రాజు నిర్మిస్తున్న ఈ చిత్రంలో నివేదా పేతురాజ్‌ కథానాయిక. ఈ చిత్రానికి ప్రసన్న కుమార్‌ బెజవాడ మాటలు అందిస్తున్నారు. ఈ చిత్ర ఫస్ట్‌ లుక్‌ గురువారం విడుదలైంది. 'ఫస్ట్‌ లుక్‌లో విశ్వక్‌ సేన్‌ చెవిపోగులు, గడియారం ధరించి స్టైలిష్‌, రగ్డ్‌ లుక్‌లో కనిపించారు. తన కనుబొమ్మలను పైకెత్తి ఎవరికో ధంకీ ఇస్తున్నట్లుగా చూడటం ఆసక్తికరంగా ఉంది. క్యూరియాసిటీని పెంచిన ఫస్ట్‌లుక్‌ పోస్టర్‌ ఈ చిత్రంలో విశ్వక్‌ సేన్‌ మాస్‌, యాక్షన్‌ ప్యాక్డ్‌ క్యారెక్టర్‌లో నటిస్తున్నాడనే భావన కలిగిస్తోంది. 'దాస్‌ కా ధమ్కీ' రోమ్‌-కామ్‌, యాక్షన్‌ థ్రిల్లర్‌. ప్రేక్షకులకు కొత్త అనుభూతిని ఇవ్వనుంది. హిలేరియస్‌ ఎంటర్టైన్మెంట్‌తో పాటు భారీ యాక్షన్‌ ఉంటుంది. ఇందులో ఎంటర్టైన్మెంట్‌ యాక్షన్‌ చాలా కొత్త రకమైన థ్రిల్స్‌ను అందించ నున్నాయి. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. ఈ వారం చివరికల్లా ప్రొడక్షన్‌ ఫార్మాలిటీస్‌ మొత్తం పూర్తవుతాయి. 'ఆర్‌ఆర్‌ఆర్‌, హరి హర వీర మల్లు' చిత్రాలకు స్టంట్స్‌ కొరియోగ్రఫీ చేసిన బల్గేరియన్‌ ఫైట్‌ మాస్టర్స్‌ టోడర్‌ లాజరోవ్‌-జుజితో చిత్ర బందం సినిమా క్లైమాక్స్‌ ఫైట్‌ను చిత్రీకరించారు. ఈ యాక్షన్‌ సీక్వెన్స్‌లు ప్రేక్షకులకు థ్రిల్లింగ్‌ ఎక్స్‌పీరియన్స్‌ ఇవ్వబోతున్నాయి. 'బింబిసార' చిత్రానికి పనిచేసిన రామకష్ణ మాస్టర్‌ యాక్షన్‌ ఎపిసోడ్‌కు కొరియోగ్రఫీ చేయగా, వెంకట్‌ మాస్టర్‌ స్టైలిష్‌ యాక్షన్‌ ఎపిసోడ్‌ను పర్యవేక్షించారు. ఈ చిత్రం ఫిబ్రవరి, 2023లో తెలుగు, తమిళం, మలయాళం, హిందీ భాషల్లో విడుదల కానుంది' అని చిత్ర బృందం తెలిపింది.
ఈ చిత్రానికి కథ: ప్రసన్న కుమార్‌ బెజవాడ, డీవోపీ: దినేష్‌ కె బాబు, సంగీతం: లియోన్‌ జేమ్స్‌, ఎడిటర్‌: అన్వర్‌ అలీ, ఆర్ట్‌ డైరెక్టర్‌: ఎ.రామాంజనేయులు, ఫైట్స్‌: టోడర్‌ లాజరోవ్‌-జుజి, దినేష్‌ కె బాబు, వెంకట్‌.
