రైజింగ్‌ హాండ్స్‌ ప్రొడక్షన్స్‌ నెం.1గా తెరకెక్కుతున్న చిత్రం 'సీతారాం సిత్రాలు'. లక్ష్మణ్‌, భ్రమరాంబిక, కిశోరి దాత్రక్‌ హీరో, హీరోయిన్లుగా నటిస్తున్న ఈ చిత్రంతో డి.నాగ శశిధర్‌ రెడ్డి దర్శకుడిగా పరిచయం అవుతున్నారు.
ఈ చిత్ర టైటిల్‌ లోగోను సినిమాటోగ్రఫర్‌, డైరెక్టర్‌ కె.వి.గుహన్‌ విడుదల చేశారు. 'టైటిల్‌ కొత్తగా ఉంది, ఫన్ ఎంటర్టైనర్‌గా ప్రేక్షకుల ముందుకు రాబోతున్న ఈ చిత్రం అందరినీ అలరించాలని ఆశిస్తున్నాను' అని గుహన్‌ అన్నారు. కామెడీ ప్రధాన ఇతివృత్తంగా తెరకెక్కుతున్న ఈ చిత్రంలో కథ, కథనాలు ప్రేక్షకులను అలరించబోతున్నాయి. నువ్వు గెలవనంత వరకు ఏమీ చెప్పిన అది చెత్తె, ఒక్కసారి నువ్వు గెలిచాక చెత్త చెప్పిన అది చరిత్రే.. ఇలా చెప్పడానికి కారణం ఏంటనేది వెండితెరపైనే చూడాలి. త్వరలో ఈ చిత్ర టైటిల్‌ ఫస్ట్‌లుక్‌ విడుదల కానుందని దర్శకుడు డి.నాగ శశిధర్‌ రెడ్డి తెలిపారు.
ఢిల్లీ రాజేశ్వరి, కృష్ణమూర్తి, సందీప్‌ వారణాశి, గురుస్వామి తదితరులు నటిస్తున్న ఈ చిత్రానికి నిర్మాతలు: పార్థ సారధి, డి. నాగేందర్‌ రెడ్డి, కెమెరామెన్‌: అరుణ్‌ కుమార్‌ పర్వతనేని, మ్యూజిక్: రుద్ర కిరణ్‌, ఎడిటర్‌: ప్రణీత్‌ కుమార్‌, సౌండ్‌ డిజైన్‌: సాయి మనిందర్‌ రెడ్డి, లిరిక్స్‌: శేఖర్‌ రాజు విజయ భట్టు.
