అమ్మాయిలపై అబ్బాయిలు తమ ప్రేమను, వ్యామోహాన్ని వ్యక్తం చేసే పద్ధతులెన్నో.. అందులో పాటలు కూడా ఉంటాయి. అదే అబ్బాయిలపై అమ్మాయిలు తమ ఇష్టాన్ని, ప్రేమను, వ్యామోహాన్ని పాట రూపంలో వ్యక్తం చేస్తే ఎలా ఉంటుందో తెలుసా! ఆ కిక్‌ మరో రేంజ్‌లో ఉంటుందనటంలో సందేహమే లేదు.
మన సినిమా హిస్టరీలో ఈ స్టైల్‌ ఆఫ్‌ సాంగ్స్‌ అన్నీ చార్ట్‌ బస్టర్‌లో టాప్‌లో నిలిచి ఓ ఊపు ఊపేశాయి.. ఇప్పటికీ ఆ పాటలను మనం హమ్‌ చేసుకుంటూనే ఉంటాం.
అలాంటి మరో సాంగ్‌ ఆడియెన్స్‌ మనసుని గిలిగింతలు పెట్టడానికి మన ముందుకు వచ్చేసింది. 'అబ్బా అబ్బా ఓ అబ్బాయా..' అంటూ సాగే ఈ లిరికల్‌ వీడియో సాంగ్‌ కుర్రకారు మనసుని కవ్వించేస్తుంది. 'గీత సాక్షిగా..' సినిమాలోని ఈ పాట ఇప్పుడు ట్రెండింగ్‌లో ఉంది. పుష్పక్‌, జబర్కల్‌ సమర్పణలో చేతన్‌ రాజ్‌ ఫిలిమ్స్‌ పతాకంపై ఆదర్శ్‌, చిత్ర శుక్లా, రూపేష్‌ శెట్టి, శ్రీకాంత్‌ అయ్యంగార్‌, భరణి శంకర్‌, జయలలిత, జయశ్రీ ఎస్‌ రాజేష్‌, అనిత చౌదరి, సుదర్శన్‌, రాజా రవీంద్ర, శ్రీనివాస్‌ ఐఏఎస్‌ నటీ నటులుగా ఆంథోని మట్టిపల్లి దర్శకత్వంలో చేతన్‌ రాజ్‌ నిర్మిస్తున్న సినిమా 'గీతా సాక్షిగా'. నిజ జీవిత సంఘటనల ఆధారంగా తెరకెక్కుతున్న ఈ సినిమా నుంచి శుక్రవారం 'అబ్బా అబ్బా ఓ అబ్బాయా..' అనే సాంగ్‌ను దర్శకుడు రామ్‌గోపాల్‌ వర్మ విడుదల చేశారు. ఈ పాట ఆదిత్య మ్యూజిక్ ద్వారా విడుదలైంది.
ఈ సందర్భంగా రామ్‌గోపాల్‌ వర్మ మాట్లాడుతూ, 'అబ్బా అబ్బా ఓ అబ్బాయా..' సాంగ్‌ చాలా క్యాచీగా ఉంది. పిక్చరైజేషన్‌, కొరియోగ్రఫీ చాలా చాలా బావున్నాయి. ఎంటైర్‌ టీమ్‌కు ఆల్‌ ది బెస్ట్‌. అందరికీ నచ్చేలా సాంగ్‌ ఉంటుందని కచ్చితంగా చెప్పగలను' అని అన్నారు.
''అబ్బా అబ్బా ఓ అబ్బాయా..' సాంగ్‌ను వర్మ రిలీజ్‌ చేయటం చాలా హ్యాపీగా ఉంది. ఆయనకు పాట చాలా బాగా నచ్చింది. ప్రేక్షకులు ఆశీర్వదిస్తారని భావిస్తున్నాం' అని శ్రీకాంత్‌ అయ్యంగార్‌ చెప్పారు. అలాగే ఈ సందర్భంగా సెకండ్‌ లిరికల్‌ సాంగ్‌ను విడుదల చేసి, సపోర్ట్‌ చేసిన ఆర్జీవీకి చిత్ర యూనిట్‌ ధన్యవాదాలను తెలియజేసింది.
గోపీ సుందర్‌ సంగీత సారథ్యం వహిస్తున్న ఈ సినిమాలోని పాటను రెహమాన్‌ రాయగా, సాహితీ చాగంటి హస్కీ వాయిస్‌లో పాడిన తీరు గురించి ఎంత చెప్పినా తక్కువే. ఇప్పటికే విడుదలైన ఫస్ట్‌ లుక్‌ పోస్టర్‌, మోషన్‌ పోస్టర్స్‌, టీజర్‌లతో ఆడియెన్స్‌లో క్యూరియాసిటీతో పాటు సినిమాపై హైప్‌ పెరిగింది. ఇప్పుడు రిలీజైన 'అబ్బా ఓ అబ్బాయా..' సాంగ్‌తో ఈ అంచనాలు మరింతగా పెరిగాయి. ప్రస్తుతం వస్తున్న సినిమాలతో పోలిస్తే కచ్చితంగా భిన్నంగా ఉండే చిత్రమిది. అన్ని వర్గాల ప్రేక్షకులను అలరించే అంశాలన్నీ పుష్కలంగా ఉన్నాయి. ఓ మంచి సినిమాతో ప్రేక్షకుల ముందుకు రాబోతున్నందుకు చాలా సంతోషంగా ఉంది. త్వరలోనే సినిమా విడుదల తేదీని అధికారికంగా ప్రకటిస్తాం అని దర్శక, నిర్మాతలు తెలిపారు. వెంకట్‌ హనుమ నరిసేటి ఈ చిత్రానికి సినిమాటోగ్రఫీ అందిస్తుండగా, కిషోర్‌ మద్దాలి ఎడిటింగ్‌ బాధ్యతలు నిర్వహిస్తున్నారు.
