రవితేజ, త్రినాథరావు నక్కిన కాంబినేషన్‌లో రూపొందుతున్న మాస్‌, యాక్షన్‌ ఎంటర్‌టైనర్‌ 'ధమాకా'. రవితేజ సరసన శ్రీలీల హీరోయిన్‌గా నటిస్తున్న ఈ చిత్రాన్ని టిజి విశ్వ ప్రసాద్‌ భారీగా నిర్మిస్తున్నారు.
ఇప్పటికే విడుదలైన ఈ చిత్రంలోని పాటలు, టీజర్‌ అద్భుతమైన రెస్పాన్స్‌తో సినిమాపై భారీ అంచనాలు పెంచాయి. అలాగే తాజాగా రిలీజ్‌ చేసిన 'వాట్స్‌ హ్యాపెనింగ్‌' లిరికల్‌ వీడియోకి సైతం మంచి స్పందన లభించింది.
సంగీత దర్శకుడు భీమ్స్‌ సిసిరోలియో ఈ పాటని మనసుని హత్తుకునే మెలోడీగా కంపోజ్‌ చేశారు. శేఖర్‌ మాస్టర్‌ ఈ పాటని చాలా గ్రేస్‌ ఫుల్‌గా కొరియోగ్రఫీ చేశారు. శ్రీలీల డ్యాన్స్‌ మూమెంట్స్‌ స్టయిలీష్‌గా అందర్నీ ఆకట్టుకుంటున్నాయి. ఈ పాటకు రామ జోగయ్య శాస్త్రి అందించిన సాహిత్యం ప్రత్యేక ఆకర్షణగా నిలిచింది. హీరోయిన్‌ మనసులోని ఫీలింగ్స్‌ని అందంగా, మ్యాజికల్‌గా ప్రజంట్‌ చేశారు. రమ్య బెహరా, భార్గవి పిళ్లై తమ వాయిస్‌తో మెస్మరైజ్‌ చేశారు.
పీపుల్‌ మీడియా ఫ్యాక్టరీ, అభిషేక్‌ అగర్వాల్‌ ఆర్ట్స్‌ పతాకాలపై రూపొందుతున్న ఈ చిత్రానికి వివేక్‌ కూచిభొట్ల సహ నిర్మాత. ప్రసన్న కుమార్‌ బెజవాడ ఈ చిత్రానికి కథ, స్క్రీన్‌ప్లే, సంభాషణలు అందిస్తున్న ఈ చిత్రం డిసెంబర్‌ 23న ప్రపంచ వ్యాప్తంగా థియేటర్లో విడుదల కానుంది.
'రవితేజ, త్రినాథరావు నక్కిన కాంబినేషన్‌లో రూపొందుతున్న ఈ చిత్రంపై ఇప్పటికే అందరిలోనూ భారీ అంచనాలు ఉన్నాయి. ఆ అంచనాలకు తగ్గట్టుగానే సినిమా దీటుగా ఉంటుంది' అని మేకర్స్‌ తెలిపారు.
ఈ చిత్రానికి దర్శకత్వం: త్రినాధరావు నక్కిన, నిర్మాతలు: టీజీ విశ్వ ప్రసాద్‌, సహ నిర్మాత: వివేక్‌ కూచిభొట్ల, కథ, మాటలు: ప్రసన్న కుమార్‌ బెజవాడ, సంగీతం: భీమ్స్‌ సిసిరోలియో, సినిమాటోగ్రఫీ: కార్తీక్‌ ఘట్టమనేని, ఫైట్స్‌: రామ్‌-లక్ష్మణ్‌, ప్రొడక్షన్‌ డిజైనర్‌: శ్రీనాగేంద్ర తంగాల.
