కంపెనీ పతాకంపై రామ్‌ గోపాల్‌ వర్మ స్వీయ నిర్మాణ దర్వకత్వంలో రూపొందించిన తాజా సినిమా 'డేంజరస్‌'. దీనికి 'మా ఇష్టం' అన్నది ఉపశీర్షిక. నైనా గంగూలీ, అప్సర రాణి హీరోయిన్లుగా నటించగా, ముఖ్య పాత్రలలో రాజ్‌ పాల్‌ యాదవ్‌, మిథున్‌ పురంధర్‌ కనిపిస్తారు. తెలుగు, హిందీ, తమిళ భాషలకు సంబంధించిన ఈ చిత్ర ట్రైలర్‌ను ప్రొడ్యూసర్స్‌ కౌన్సిల్‌ హాల్లో రామ్‌ గోపాల్‌ వర్మ విడుదల చేశారు. అనంతరం ఆయన మాట్లాడుతూ, 'మూడు భాషల్లో డిసెంబర్‌ 9వ తేదీన ఈ సినిమాను విడుదల చేస్తున్నాం. ఇద్దరు అమ్మాయిల మధ్య జరిగే ప్రేమ కథ. మగవాళ్ళతో వారిద్దరు ఎలాంటి చేదు అనుభవాలను ఎదుర్కొన్నారన్న నేపథ్యంలో రొమాంటిక్‌, క్రైమ్‌, యాక్షన్‌, సస్పెన్స్‌ అంశాలతో సాగే సినిమా ఇది' అని అన్నారు. ఈ సినిమాను తనకు చెందిన విశాఖ టాకీస్‌ డిస్ట్రిబ్యూషన్‌ తరపున విడుదల చేస్తున్నట్టు నట్టి కుమార్‌ తెలిపారు.