వరుణ్‌ ధవన్‌, కృతిససన్‌ కాంబినేషన్‌లో వస్తున్న చిత్రం 'భేదియా'. ఈ చిత్రం తెలుగులో తోడేలు టైటిల్‌తో గీతా ఫిలిం డిస్ట్రిబ్యూషన్‌ ద్వారా ప్రేక్షకుల ముందుకు రానుంది. ఈ చిత్రం ఈనెల 25న థియేటర్లలో సందడి చేయనుంది. ఈ నేపథ్యంలో మేకర్స్‌ తెలుగు ప్రీ రిలీజ్‌ వేడుకను ఘనంగా నిర్వహించారు.
ఈ సందర్భంగా అల్లు అరవింద్‌ మాట్లాడుతూ, ''బాహుబలి' సినిమా తరువాత తెలుగు, హిందీ, సౌత్‌, నార్త్‌ అని ఎల్లలు తీసేసాం. మంచి సినిమాని ఎక్కడున్నా చూడటం అనేది ఒక కల్చర్‌గా మారింది. నిర్మాత దినేష్‌ విజన్‌ 'పుష్ప' సినిమా కంటే ముందే అల్లు అర్జున్ పెద్ద స్టార్‌ అవుతాడని నమ్మి అల్లు అర్జున్‌తో సినిమా చేయటానికి వచ్చారు. ఈ సినిమాలో కొంత భాగం చూసే అవకాశం కలిగింది. ఒళ్ళు గగుర్పొడిచే సన్నివేశాలు ఉన్నాయి. ఈ సినిమాను తెలుగులో విడుదల చేయడం మంచి అవకాశంగా ఫీల్‌ అవుతున్నాను' అని చెప్పారు. వరుణ్‌ ధావన్‌ మాట్లాడుతూ, 'నేను త్వరలో తెలుగులో సినిమా చేసి, దాన్ని హిందీలో రీమేక్‌ చేస్తా. 'తోడేలు' సినిమా అందరికీ కచ్చితంగా నచ్చుతుంది' అని అన్నారు.
