కృతి ఎంటర్టైన్మెంట్‌ ప్రొడక్షన్స్‌ బ్యానర్‌ పై ప్రొడక్షన్‌ నెం.1గా 'జాన్‌ సే' టైటిల్‌తో నూతన దర్శకుడు కిరణ్‌ కుమార్‌ కథ, స్క్రీన్‌ ప్లే, దర్శకత్వంలో తెరకెక్కిస్తున్నారు. క్రైమ్‌ థ్రిల్లర్‌ డ్రామాగా రూపొందుతున్న ఈ చిత్రంలో అంకిత్‌, తన్వి హీరో హీరోయిన్లుగా నటిస్తున్నారు. థ్రిల్లింగ్‌ అంశాలతో పాటు లవ్‌ స్టొరీ కూడా కీ రోల్‌ ప్లే చేసే ఈ చిత్రం దాదాపుగా చిత్రీకరణ పూర్తి చేసుకుంది. ఈ నెలాఖరు వరకు జరిగే షెడ్యుల్‌తో షూటింగ్‌ మొత్తం పూర్తవుతుంది. ఇందులో హీరోగా నటిస్తున్న అంకిత్‌ గతంలో 'జోహార్‌, తిమ్మరుసు' వంటి చిత్రాల్లో నటించగా, హీరోయిన్‌ తన్వి 'ఐరావతం' సినిమాలో ప్రధాన పాత్రలో నటించింది. అప్‌ కమింగ్‌ హీరో, హీరోయిన్లతో రూ.10 కోట్ల భారీ బడ్జెట్‌తో సీనియర్‌ యాక్టర్లతో ఏ మాత్రం కాంప్రమైజ్‌ కాకుండా లావిష్‌గా తెరకెక్కిస్తున్నారు. పోస్ట్‌ ప్రొడక్షన్‌ కార్యక్రమాలు శరవేగంగా పూర్తి చేసి, విడుదల తేదీని త్వరలో ప్రకటించనున్నారు.
సుమన్‌, అజరు, తనికెళ్ళ భరణి, సూర్య, భాస్కర్‌, రవి వర్మ, అయేషా, రవి శంకర్‌, లీల, బెనర్జీ, రవి గణేష్‌, రమణి చౌదరి, వంశీ, అంజలి, కిరణ్‌ కుమార్‌, ఏ కే శ్రీదేవి, ప్రశాంత్‌ సమలం, వేణుగోపాల్‌, తేజ, సంతోష్‌, వి జే లక్కీ, శ్రీను, అరుణ్‌ తదితరులు నటిస్తున్న ఈ చిత్రానికి సంగీత దర్శకుడు - సచిన్‌ కమల్‌, ఎడిటర్‌ - ఎం ఆర్‌ వర్మ, లిరిక్స్‌ - విశ్వనాథ్‌ కరసాల, డి ఓ పి - మోహన్‌ చారి, డైలాగ్స్‌ - పి మదన్‌.
