డైరెక్టర్‌ ప్రశాంత్‌ వర్మ, హీరో తేజ సజ్జా కాంబినేషన్‌లో రూపొందుతున్న చిత్రం 'హను-మాన్‌'. ఈ పాన్‌ ఇండియా సినిమా టీజర్‌ సోమవారం విడుదలైంది.
ఈ సందర్భంగా హీరో తేజ సజ్జ మాట్లాడుతూ, 'హనుమాన్‌.. గాలి కంటే వేగంగా ప్రయాణించగలిగిన వారు, బుద్ధిలో శ్రేష్టులు, వానర యోధుల్లో ముఖ్యులు, ఇంద్రియాలని జయించినవారు, సాక్ష్యాత్తు శ్రీరామ చంద్రమూర్తి దూత. ఇంతకంటే సూపర్‌ హీరో మనదగ్గర ఎవరు న్నారు?, అలాంటి గొప్ప దేవుడు హనుమంతుడి అనుగ్రహంతో ఒక కుర్రాడికి సూపర్‌ పవర్‌ వస్తే ఏం చేస్తాడనేది మా సినిమా. ఇంతగొప్ప సినిమాలో పాత్రకు న్యాయం చేస్తానని నమ్మి అవకాశం ఇచ్చిన దర్శకుడు ప్రశాంత్‌ వర్మకి థ్యాంక్స్‌ చెప్పడం చిన్న మాటే అవుతుంది. ఈ సినిమా చాలా గొప్పగా ఉండబోతుంది. ప్రేక్షకులకు విజువల్‌ ఫీస్ట్‌ ఇస్తుంది. నిర్మాత నిరంజన్‌ రెడ్డికి సినిమా అంటే చాలా ప్యాషన్‌. నాలుగు సినిమాల కష్టం ఈ సినిమా కోసం పడ్డాను. ఈ సినిమా రావడం కూడా దైవ సంకల్పం అని నమ్ముతున్నాను' అని చెప్పారు.
అమత అయ్యర్‌ మాట్లాడుతూ, 'టీజర్‌ అద్భుత మనిపించింది. అనందంతో కన్నీళ్లు వచ్చాయి. ఈ అవకాశం ఇచ్చిన దర్శక నిర్మాతలకు కృతజ్ఞతలు. తేజ సజ్జా మీ అందరినీ ఆకట్టుకుంటారు. త్వరలోనే సినిమా థియేటర్లోకి వస్తుంది' అని అన్నారు.
ఈ పాన్‌ ఇండియా చిత్రాన్ని ప్రైమ్‌షో ఎంటర్‌టైన్‌మెంట్‌ పతాకంపై కె.నిరంజన్‌ రెడ్డి ప్రతిష్టాత్మకంగా నిర్మిస్తుండగా శ్రీమతి చైతన్య సమర్పిస్తున్నారు. ఎగ్జిక్యూటివ్‌ ప్రొడ్యూసర్‌గా అస్రిన్‌ రెడ్డి, లైన్‌ ప్రొడ్యూసర్‌గా వెంకట్‌ కుమార్‌ జెట్టి, అసోసియేట్‌ ప్రొడ్యూసర్‌గా కుశాల్‌ రెడ్డి వ్యవహరిస్తున్నారు. ఈ సినిమా ప్రస్తుతం పోస్ట్‌ ప్రొడక్షన్‌ దశలో ఉంది. త్వరలో విడుదల తేదీని మేకర్స్‌ ప్రకటిస్తారు.
            నాకు చిన్నప్పటి నుండి చాలా ఇష్టమైన దేవుడు హనుమంతుడు. ఆయన పేరు మీద ఇంత పెద్ద సినిమా చేయడం ఆనందంగా ఉంది. ఇంత పెద్ద సినిమా చేయడానికి ముందుకు వచ్చిన మా నిర్మాత నిరంజన్‌ రెడ్డికి కృతజ్ఞతలు. మొదట అనుకున్న బడ్జెట్‌ కంటే ఆరింతలు పెద్దది అయ్యింది. ఆయన ఎక్కడా రాజీపడకుండా ఈ సినిమాని ఇంటర్నేషనల్‌ ఫిల్మ్‌గా చేయమని సపోర్ట్‌ చేశారు. ఇది కేవలం పాన్‌ ఇండియా సినిమా కాదు పాన్‌ వరల్డ్‌ సినిమా. ఎందుకంటే హనుమంతుడు సూపర్‌ హీరో. బ్యాట్‌ మాన్‌, సూపర్‌ మాన్‌ కంటే పవర్‌ ఫుల్‌ ఎవరంటే హనుమాన్‌ పేరు చెబుతాం. ఈచిత్ర టీజర్‌ కంటే ట్రైలర్‌ బావుంటుంది. ట్రైలర్‌ కంటే సినిమా ఇంకా బావుంటుంది. ఈ సినిమా కోసం అంజనాద్రి అనే కొత్త వరల్డ్‌ క్రియేట్‌ చేశాం. అన్ని భాషల ప్రేక్షకులని ఆకట్టుకునే సినిమాగా చేశామని నమ్ముతున్నాం. తమిళ్‌, హిందీ, మలయాళం, కన్నడ ప్రేక్షకులు కూడా ఇది తమ సినిమా అని భావించేలా రూపొందించాం
- దర్శకుడు ప్రశాంత్‌ వర్మ