కౌశల్‌ క్రియేషన్స్‌ పతాకంపై భీమినేని శివప్రసాద్‌-తన్నీరు రాంబాబు సంయుక్తంగా నిర్మిస్తున్న చిత్రం 'నేనెవరు'. నిర్ణరు పల్నాటి దర్శకత్వంలో లవ్‌, సస్పెన్స్‌ థ్రిల్లర్‌గా రూపొందిన ఈ చిత్రానికి పూనమ్‌ చంద్‌-కుమావత్‌-కిరణ్‌ కుమార్‌ మోటూరి సహ నిర్మాతలు. ఎడిటర్‌ స్వర్గీయ కోలా భాస్కర్‌ తనయుడు కోలా బాలకష్ణ హీరో, సాక్షి చౌదరి హీరోయిన్‌గా నటించారు. తనిష్క్‌ రాజన్‌, గీత్‌ షా, బాహుబలి ప్రభాకర్‌ ఇతర ముఖ్య పాత్రలు పోషించారు. రాధ గోపి తనయుడు ఆర్‌.జి.సారథి ఈ చిత్రం ద్వారా సంగీత దర్శకుడిగా పరిచయం అవుతుండటం విశేషం. అన్ని కార్యక్రమాలు పూర్తి చేసుకున్న ఈ చిత్రాన్ని డిసెంబర్‌ 2న ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఇటీవల విడుదలైన టీజర్‌కు అనూహ్య స్పందన లభించింది. అలాగే తాజాగా రిలీజైన ట్రైలర్‌ కూడా అందర్నీ మెప్పించింది. ఈ సినిమా కచ్చితంగా ప్రేక్షకులకు సరికొత్త అనుభూతిని పంచుతుందని దర్శకుడు నిర్ణరు పల్నాటి తెలిపారు. హీరో కోలా బాలకృష్ణ, దర్శకుడు నిర్ణరు, సంగీత దర్శకుడు ఆర్‌.జి.సారథిలకు ఈ సినిమా చాలా మంచి పేరు తెస్తుందని నిర్మాతలు భీమినేని శివప్రసాద్‌ - తన్నీరు రాంబాబు అన్నారు. ఈ చిత్రంలో రాజా రవీంద్ర, దిల్‌ రమేష్‌, డి.ఎస్‌.రావు తాగుబోతు రమేష్‌, వేణు, సుదర్శన్‌ రెడ్డి, నీరజ ఇతర ముఖ్య పాత్రలు పోషించారు.
