సంకేత్‌ తిరుమనీడి, మౌనిక చౌహాన్‌ జంటగా పద్మ నారాయణ ప్రొడక్షన్‌ బ్యానర్‌ పై రూపొందుతున్న చిత్రం 'ధర్మచక్రం'. సందేశాత్మక కథతో ఈ సినిమాను తెరకెక్కిస్తున్నారు దర్శకుడు నాగ్‌ ముంతా. ఇప్పటికే షూటింగ్‌ పూర్తి చేసుకున్న ఈ సినిమాకి సంబంధించి పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయి. తాజాగా ఈ చిత్ర ఫస్ట్‌ లుక్‌ను దర్శక, నిర్మాతలు రిలీజ్‌ చేశారు. దీనికి ప్రేక్షకుల నుంచి అద్భుతమైన రెస్పాన్స్‌ వస్తోంది.
ఈ సందర్భంగా దర్శకుడు నాగ్‌ ముంతా మాట్లాడుతూ, 'ఈ చిత్రాన్ని మెసేజ్‌ ఓరియెంటెడ్‌గా తెరకెక్కిస్తున్నాం. సమాజంలో ఆడవాళ్ళపై జరుగు తున్న అఘాయిత్యాలు, ఆకృత్యాల నేపథ్యంలోనే ఈ చిత్ర కథ ఉంటుంది. అమ్మాయిల స్వీయ రక్షణ ఎలా ఉండాలో ఈ సినిమాలో చూపిస్తున్నాం. హీరోయిన్‌ మౌనిక చౌహన్‌ ద్విపాత్రాభినయం చేస్తున్న ఈ సినిమా షూటింగ్‌ ఇప్పటికే పూర్తయింది. పోస్ట్‌ ప్రొడక్షన్‌ కార్యక్రమాలను పూర్తి చేసి త్వరలోనే ఈ చిత్ర విడుదల తేదీని ఎనౌన్స్‌ చేస్తాం' అని తెలిపారు.
సంకేత్‌ తిరుమనీడి, మౌనిక చౌహాన్‌, చైతన్య, ప్రవీణ్‌ కుమార్‌, ధృవ, జానీ ఫీవర్‌ మైలవరం, నరసింహారావు తదితరులు నటిస్తున్న ఈ చిత్రానికి దర్శకుడు: నాగ్‌ ముంతా, నిర్మాత: జిపి రెడ్డి, సినిమాటోగ్రఫర్‌: ఆనంద్‌ మరుకుర్తి, సంగీతం: ప్రణరు రాజపూటి, యాక్షన్‌: హంగామా కృష్ణ బమ్మిడి.
