ఆది సాయి కుమార్‌ తాజాగా నటిస్తున్న చిత్రం 'టాప్‌ గేర్‌'. ఈ యాక్షన్‌ థ్రిల్లర్‌ చిత్రానికి కె.శశికాంత్‌ దర్శకత్వం వహిస్తుండగా, శ్రీ ధనలక్ష్మి ప్రొడక్షన్స్‌ బ్యానర్‌ పై ఆదిత్య మూవీస్‌ అండ్‌ ఎంటర్‌టైన్‌మెంట్స్‌ సమర్పణలో కె.వి.శ్రీధర్‌ రెడ్డి భారీ బడ్జెట్‌తో నిర్మిస్తున్నారు. లేటెస్ట్‌గా ఈ చిత్ర టీజర్‌ను దర్శకుడు మారుతి విడుదల చేశారు.
ఈ టీజర్‌లోని డైలాగ్స్‌, సన్నివేశాలు సినిమాపై క్యూరియాసిటీ పెం చేస్తున్నాయి. టాప్‌ గేర్‌ గేరేసి కారులో ఆది సాయి కుమార్‌ దూసుకుపోవడం, ఆయన్ను వెంబడిస్తున్న పోలీసులు, మధ్యలో ఫోన్‌ కాల్స్‌ సినిమాలో ఉన్న వైవిధ్యాన్ని ఫోకస్‌ చేస్తున్నాయి.ఈ టీజర్‌లో విజువల్స్‌ మేజర్‌ హైలైట్‌ కాగా, హర్షవర్ధన్‌ రామేశ్వర్‌ అందించిన బ్యాక్‌ గ్రౌండ్‌ స్కోర్‌ ప్రధాన ఆకర్షణగా నిలిచింది. చిత్రంలో ఎన్నో థ్రిల్లింగ్‌ ఎలిమెంట్స్‌ ఉన్నాయని ఈ టీజర్‌ స్పష్టం చేస్తోంది. దీంతో విడుదల చేసిన కాసేపట్లోనే ఈ టీజర్‌ వైరల్‌గా మారింది. అలాగే ఈ చిత్ర ప్రమోషన్స్‌తో మేకర్స్‌ ఇప్పటికే సూపర్‌ రెస్పాన్స్‌ అందుకున్నారు. మోషన్‌ పోస్టర్‌, ఫస్ట్‌ లుక్‌ పోస్టర్‌, రీసెంట్‌గా సిధ్‌ శ్రీరామ్‌ పాడిన 'వెన్నెల పాట..' ఇలా అన్నింటిపైనా పాజిటివ్‌ బజ్‌ క్రియేట్‌ అయింది. ఇక తాజాగా టీజర్‌ రిలీజ్‌ చేసిన డైరెక్టర్‌ మారుతి టీజర్‌ చాలా బాగుందంటూ చిత్రయూనిట్‌ని ప్రత్యేకంగా అభినందించారు.
ఈ చిత్రంలో ఆది సాయికుమార్‌ సరసన రియా సుమన్‌ హీరోయిన్‌గా నటిస్తుండగా, బ్రహ్మాజీ, సత్యం రాజేష్‌, మైమ్‌ గోపి, నర్రా, శత్రు, బెనర్జీ, చమ్మక్‌ చంద్ర లు కీలక పాత్రలు పోషిస్తున్నారు. ప్రస్తుతం పోస్ట్‌ ప్రొడక్షన్‌ కార్యక్రమాలు జరుపుకుంటున్న ఈ సినిమాను డిసెంబరు 30వ తేదీన విడుదల చేయబోతున్నారు. ఈ చిత్రానికి కథ, స్క్రీన్‌ ప్లే, దర్శకత్వం: కె.శశికాంత్‌, సినిమాటోగ్రాఫర్‌: సాయి శ్రీరామ్‌, మ్యూజిక్: హర్షవర్ధన్‌ రామేశ్వర్‌, ఎడిటర్‌: ప్రవీణ్‌ పూడి, ఆర్ట్‌: రామాంజనేయులు, కాస్ట్యూమ్‌ డిజైనర్‌: మాన్వి, ఎగ్జిక్యూటివ్‌ ప్రొడ్యూసర్‌: గిరిధర్‌ మామిడిపల్లి.
