యువ కథానాయకుడు నాని నటించబోయే తన 30వ చిత్రాన్ని వైర ఎంటర్‌టైన్‌మెంట్స్‌ పతాకంపై చేయబోతున్నారు. ఈ బ్యానర్‌పై ప్రొడక్షన్‌ నెం1గా రూపొందనుందని న్యూ ఇయర్‌ సందర్భంగా మేకర్స్‌ అధికారికంగా ప్రకటించిన సంగతి తెలిసిందే.
నూతన దర్శకుడు శౌర్యువ్‌ దర్శకత్వం వహిస్తున్న ఈ చిత్రాన్ని మోహన్‌ చెరుకూరి (సివిఎం), డాక్టర్‌ విజయేందర్‌ రెడ్డి తీగల, మూర్తి కెఎస్‌ నిర్మిస్తునారు. తండ్రీకూతుళ్ల మధ్య అందమైన బంధాన్ని చూపించే హార్ట్‌ టచింగ్‌ వీడియో ద్వారా సినిమాలో నాని వరల్డ్‌ని కూడా మేకర్స్‌ రివీల్‌ చేశారు. గ్లింప్స్‌కి అద్భుతమైన స్పందన వచ్చింది. ఇంకా టైటిల్‌ ఖరారు చేయని ఈ చిత్ర ప్రారంభ పూజా కార్యక్రమం ఈనెల 31న హైదరాబాద్‌లో జరగనుంది. ఫిబ్రవరి 1 నుంచి సినిమా రెగ్యులర్‌ షూటింగ్‌ ప్రారంభం కానుంది. ఇందులో మృణాల్‌ ఠాకూర్‌ నానికి జోడిగా నటించనున్నారు.