నవీన్‌ చంద్ర, గాయత్రీ సురేష్‌, పూజా జవేరి హీరో, హీరోయిన్స్‌గా, 'అడ్డా' ఫేమ్‌ జీ.ఎస్‌.కార్తీక్‌ రెడ్డి డైరెక్షన్‌లో తెరకెక్కుతున్న సినిమా 'మాయగాడు'. స్వాతి పిక్చర్స్‌ బ్యానర్‌పై భార్గవ్‌ మన్నె ఈ చిత్రాన్ని నిర్మిస్తున్నారు. తాజాగా ఈ సినిమా ట్రైలర్‌ను చిత్రబందం రిలీజ్‌ చేసింది. పైరసీ బ్యాక్‌డ్రాప్‌లో రూపొందుతున్న లవ్‌ స్టోరీ ఇది.
ఈ సినిమాలో హీరో కొత్త సినిమాలను పైరసీ చేస్తుంటాడు. పైరసీ వల్ల సినీ పరిశ్రమకు ఏర్పడే నష్టాలను ఈ సినిమాలో చూపించబోతున్నట్లు తెలుస్తోంది. ఈ సినిమాను త్వరలో రిలీజ్‌ చేయనున్నారు.
''వీరసింహరెడ'ి్డ సినిమాలో కీలక పాత్రను పోషించి మంచి హిట్‌ అందుకున్న నవీన్‌ చంద్ర 'అందాల రాక్షసి'తో సినిమాతో టాలీవుడ్‌లోకి ఎంట్రీ ఇచ్చాడు. ఆ తర్వాత 'నేను లోకల్‌, దేవదాస్‌, అరవింద సమేత' మూవీస్‌లో ఆయన చేసిన ఇంపార్టెంట్‌ రోల్స్‌తో ఆడియన్స్‌ని ఆకట్టుకున్నాడు. అలాగే 'నేను లేని నా ప్రేమకథ, జమ్నా ప్యార్‌, కళా విప్లవం, ప్రణయం' వంటి సినిమాలతో గుర్తింపు తెచ్చుకుంది హీరోయిన్‌ గాయత్రీ సురేష్‌. వీరిద్దరి కెమిస్ట్రీ ఈ సినిమాలో అందర్నీ మెస్మరైజ్‌ చేస్తుంది. అలాగే వీరిద్దరి పాత్రలు చాలా వైవిధ్యంగా ఉంటాయి. అన్ని వర్గాల ప్రేక్షకులకు కావాల్సిన అంశాలతో ప్రేక్షకుల ముందుకు వస్తున్న ఈ చిత్ర టీజర్‌కి విశేష స్పందన రావడంతో, సినిమాపై అంచనాలు పెరిగాయి అని మేకర్స్‌ తెలిపారు.
అభిమన్యు సింగ్‌, కబీర్‌ సింగ్‌, జయప్రకాష్‌ రెడ్డి, సారిక రామచంద్రరావు నటిస్తున్న ఈ చిత్రానికి దర్శకుడు - జిఎస్‌ కార్తీక్‌ రెడ్డి, సంగీతం - అనూప్‌ రూబెన్స్‌, ఎడిటర్‌ - జునైద్‌ సిద్ధికీ, కెమెరా - వెంకట్‌ గంగాధరీ, ఫైట్స్‌ : రియల్‌ సతీష్‌.
