యువ కథానాయకుడు కిరణ్‌ అబ్బవరం తాజాగా జీఏ2 బ్యానర్‌లో నటిస్తున్న చిత్రం 'వినరో భాగ్యము విష్ణు కథ'. ఈ సినిమా శివరాత్రి స్పెషల్‌ కానుకగా ఈనెల 17న విడుదల కానుంది. మంగళవారం మేకర్స్‌ ఈ చిత్ర ట్రైలర్‌ లాంచ్‌ ఈవెంట్‌ను ఘనంగా నిర్వహించారు. ఈ వేడుకలో హీరో సాయి ధరమ్‌ తేజ్‌ ట్రైలర్‌ను లాంచ్‌ చేసి, టీమ్‌కు శుభాకాంక్షలు తెలిపారు.
'దర్శన (కాశ్మీర పరదేశి) అనే తెలియని అమ్మాయి నుండి వచ్చిన ఫోన్‌ కాల్‌ ద్వారా విష్ణు (కిరణ్‌ అబ్బవరం) విధి మార్చబడింది. అప్పుడు ఆమె అతనిని ఎలా చేరుకుందో, మురళీ శర్మ పోషించిన మరొక పాత్రను నెంబర్‌ నైబరింగ్‌ ద్వారా వివరిస్తుంది. ఈ ముక్కోణపు ప్రేమకథలో ప్రేమ, ఎంటర్టైన్మెంట్‌ మంచి ఆసక్తికరంగా ఉన్నాయి.
అద ేవిధంగా, విష్ణు తన పొరుగువారితో కనెక్ట్‌ అయినప్పుడు, అతని జీవితం అస్తవ్యస్తంగా మారుతుంది. ప్రశాంతంగా కంపోజ్‌గా ఉండే విష్ణు లైఫ్‌ చాలా ఇబ్బందుల్లో పడుతుంది. ఈ ట్రైలర్‌కి బాక్గ్రౌండ్‌ స్కోర్‌ తోడై తదుపరి స్థాయికి తీసుకువెళ్లింది. ట్రైలర్‌లోని కొత్త, ఆసక్తికరమైన కాన్సెప్ట్‌తో ప్రేక్షకులు కనెక్ట్‌ అవుతారని క్రియేటర్స్‌ నమ్మకంగా ఉన్నారు. కిరణ్‌ అబ్బవరం యాక్షన్‌, రొమాన్స్‌, కామెడీ సీన్స్‌ ఆకట్టుకుంటున్నాయి. పండుగకు ఇది సరైన ఎంటర్‌టైనర్‌ అని చెప్పొచ్చు. జీఎ2 పిక్చర్స్‌ ఎప్పుడూ విభిన్నమైన కంటెంట్‌తో ప్రేక్షకుల ముందుకు వస్తుంటాయి. ప్రస్తుతం విష్ణు, అతని కథ గురించి మరింత తెలుసుకోవడానికి ప్రతి ఒక్కరూ ఆసక్తిగా ఉన్నారు. ప్రేక్షకులు, ట్రేడ్‌ సర్కిల్స్‌లో ఈనెలలో విడుదల కాబోయే అన్ని చిత్రాల కంటే ఎక్కువ ఆదరణ పొందింది' అని చిత్ర బృందం తెలిపింది.
