రవితేజ, సుధీర్‌ వర్మ కాంబినేషన్‌లో అభిషేక్‌ పిక్చర్స్‌, ఆర్‌ టి టీమ్‌వర్క్స్‌పై రూపొందుతున్న ఎంగేజింగ్‌ యాక్షన్‌ థ్రిల్లర్‌ 'రావణాసుర'. ఈ సినిమాతో ప్రేక్షకుల్ని థ్రిల్‌ చేయడానికి నిర్మాతలు అభిషేక్‌ నామా, రవితేజ సిద్ధంగా ఉన్నారు. రవితేజ పుట్టినరోజున రావణాసుర డిఫరెంట్‌ షేడ్స్‌ చూపించే ఒక గ్లింప్స్‌ విడుదల చేయడంతో ప్రమోషన్లను ప్రారంభించారు మేకర్స్‌.
ఇటీవల హర్షవర్ధన్‌ రామేశ్వర్‌ స్వరపరిచిన థీమ్‌ సాంగ్‌ను విడుదల చేయడంతో మ్యూజిక్ ప్రమోషన్‌లు కూడా స్టార్ట్‌ అయ్యాయి. ఎలక్ట్రిఫైయింగ్‌, వైబ్రెంట్‌ ట్రాక్‌ మ్యూజిక్ చార్ట్‌లలో అగ్రస్థానంలో నిలిచింది.
హర్షవర్ధన్‌ రామేశ్వర్‌తో పాటు భీమ్స్‌ సిసిరోలియో ఈ చిత్రానికి సంగీతం అందించారు. తాజాగా మేకర్స్‌ రెండవ సింగిల్‌ 'ప్యార్‌ లోన పాగల్‌' లిరికల్‌ వీడియోను ఈనెల 18న విడుదల చేయనున్నట్లు ఎనౌన్స్‌ చేశారు. షేడ్స్‌తో బ్లాక్‌ అవుట్‌ ఫిట్‌ ధరించిన రవితేజ పోస్టర్‌లో అల్ట్రా-స్టైలిష్‌గా కనిపిస్తు గ్రేస్‌ ఫుల్‌ డ్యాన్స్‌ మూమెంట్‌తో ఆకట్టుకున్నారు.
సుధీర్‌ వర్మ ఈ సినిమాలో రవితేజను లాయర్‌ పాత్రలో మునుపెన్నడూ చూడని విధంగా హై యాక్షన్‌లో ప్రజంట్‌ చేస్తున్నారు. శ్రీకాంత్‌ విస్సా ఈ చిత్రానికి సరికొత్త కథని అందించారు. సుధీర్‌ వర్మ తన మార్క్‌ టేకింగ్‌తో ఈ చిత్రాన్ని కథనంలో ఊహించని మలుపులతో స్టైలిష్‌ యాక్షన్‌ థ్రిల్లర్‌గా రూపొందిస్తున్నారు.
సుశాంత్‌ కీలక పాత్ర పోషిస్తున్న ఈ చిత్రంలో అను ఇమ్మాన్యుయేల్‌, మేఘా ఆకాష్‌, ఫరియా అబ్దుల్లా, దక్షా నాగర్కర్‌, పూజిత పొన్నాడ.. కథానాయికలుగా నటిస్తున్నారు. విజరు కార్తీక్‌ కన్నన్‌ సినిమాటోగ్రఫీ అందిస్తుండగా, శ్రీకాంత్‌ ఎడిటర్‌గా పని చేస్తున్నారు. ఏప్రిల్‌ 7న ఈ చిత్రం ప్రపంచవ్యాప్తంగా చాలా గ్రాండ్‌గా విడుదల కానుంది.
