యువ కథానాయకుడు నాని నటించిన పాన్‌ ఇండియా చిత్రం' దసరా'. శ్రీ లక్ష్మీ వెంకటేశ్వర సినిమాస్‌ బ్యానర్‌పై సుధాకర్‌ చెరుకూరి భారీ స్థాయిలో నిర్మిస్తున్నారు. ఈ సినిమాతో శ్రీకాంత్‌ ఓదెల దర్శకుడిగా పరిచయం అవుతున్నారు. కీర్తి సురేష్‌ ఈ సినిమాలో నానికి జోడిగా కనిపించనుంది.
మాస్‌-ఆపీలింగ్‌ ప్రమోషనల్‌ మెటీరియల్‌తో భారీ అంచనాలని ఈ చిత్రం నెలకొల్పింది. నాని మాసియస్ట్‌ ఫస్ట్‌లుక్‌తో పాటు ఫస్ట్‌ సాంగ్‌ 'ధూమ్‌ధామ్‌'కు ట్రెమండస్‌ రెస్పాన్స్‌ వచ్చింది. ఇటివలే విడుదలైన దసరా టీజర్‌ నేషనల్‌ సెన్సేషన్‌గా నిలిచింది. అన్ని వర్గాల ప్రేక్షకులను అలరించి అన్ని భాషల్లో టాప్‌ ట్రెండింగ్‌లో కొనసాగుతుంది.
తాజాగా మేకర్స్‌ దసరా సెకండ్‌ సింగిల్‌ 'ఓరి వారి' పాటని విడుదల చేశారు. మేకర్స్‌ ముందుగా చెప్పినట్లే 'ఓరి వారి' హార్ట్‌బ్రేక్‌ సాంగ్‌. సంతోష్‌ నారాయణ్‌ ఈ పాటని హార్ట్‌ టచ్చింగ్‌ నెంబర్‌గా కంపోజ్‌ చేశారు. మళ్ళీ మళ్ళీ వినాలనిపించే పాట ఇది. శ్రీమణి అందించిన సాహిత్యం పాటకు మరింత ఆకర్షణ తీసుకొచ్చింది. ప్రతి పదం మనసుని తాకుతుంది. ఈ పాట వాలెంటైన్స్‌ డేకి పర్ఫెక్ట్‌ గిఫ్ట్‌గా ఆడియన్స్‌ని అలరిచింది.
ఈ సాంగ్‌ లాంచ్‌ ఈవెంట్‌లో నాని మాట్లాడుతూ, 'ఈ సినిమాలో నాకు చాలా ఇష్టమైన పాట 'ఓరి వారి'. నా పర్సనల్‌ ఫిలాసఫీకి దగ్గర ఉన్న పాట ఇది. ఒకసారి అమ్మాయి మనది కాదన్న తర్వాత కాసేపు బాధపడాలి, ఇలాంటి పాటలు వినాలి. ఇంటికెళ్ళి అవ్వ ఒడిలో దూరి చంటి బిడ్డలా పడుకోవాలి.(నవ్వుతూ). అదే ఈ పాట లిరిక్స్‌. శ్రీమణి చాలా అద్భుతంగా రాశారు. సంతోష్‌ నారాయణ్‌ బ్రిలియంట్‌ మ్యూజిక్ ఇచ్చారు. విజువల్‌గా ఈ పాట నా కెరీర్‌లో బెస్ట్‌ సాంగ్‌. మర్చి 30న స్క్రీన్‌ మీద చూస్తున్నప్పుడు స్టన్‌ అయిపోతారు. వినే కొద్ది నచ్చే పాట ఇది. నెలలు తరబడి నా చెవిలో మోగుతూనే ఉంది. అదే ఎఫెక్ట్‌ మీ మీద కూడా ఉంటుందని నమ్ముతున్నాను. దసరాకి చాలా సెలబ్రేషన్స్‌ ఈవెంట్స్‌ ఉంటాయి. 'దసరా'' అందరం సెలబ్రేట్‌ చేసుకునే సినిమా'అని చెప్పారు.
'ఇది రూటేడ్‌గా, నేచురల్‌ ఉండే కథ. మా ఊర్లో జరిగిన కొన్ని పాత్రల నుంచి తీసుకొని రాసుకున్న డ్రామా. నాని చాలా హార్డ్‌ వర్క్‌ చేశారు. ఈసినిమా అన్ని వర్గాల ప్రేక్షకులను అలరిస్తుంది' అని దర్శకుడు శ్రీకాంత్‌ ఓదెల అన్నారు
ధీక్షిత్‌ శెట్టి, సముద్రఖని, సాయి కుమార్‌, జరీనా వహాబ్‌ కీలక పాత్రలలో కనిపించనున్న ఈ చిత్రాన్ని మార్చి 30న తెలుగు, తమిళం, కన్నడ, మలయాళం, హిందీ భాషల్లో ఏకకాలంలో విడుదల చేయనున్నారు.
