యోగ లక్ష్మీ ఆర్ట్స్‌ క్రియేషన్స్‌ పతాకంపై అనిల్‌ కుమార్‌, ఎన్‌.శ్రీనివాసరావు సంయుక్తంగా నిర్మిస్తున్న చిత్రం 'సూర్యా పేట్‌ జంక్షన్‌'. ఈ చిత్రానికి రాజేష్‌ దర్శకుడు. ఈశ్వర్‌ హీరోగా, నైనా సర్వార్‌ హీరోయిన్‌గా, పూజ (అర్‌.ఎక్స్‌ 100 ఫేమ్‌), అభిమన్యు సింగ్‌ విలన్‌గా నటిస్తున్న చిత్రమిది. ఈ చిత్రంలోని ఐటమ్‌ సాంగ్‌ సిసిసి క్రికెట్‌ కప్‌ విన్నర్స్‌ చేతుల మీదుగా విడుదలైంది.
ఈ సందర్భంగా హీరో ఈశ్వర్‌ మాట్లాడుతూ, 'మా సినిమాలోని 'మ్యాచింగ్‌ మ్యాచింగ్‌..' సాంగ్‌ విడుదల చేసే అవకాశం ఇచ్చిన సీసీసీ అధ్యక్షులు షకీల్‌కి, టాలీవుడ్‌, బాలీవుడ్‌ టీమ్‌కి నా కతజ్ఞతలు. ఈ చిత్ర ఆడియో టిప్స్‌ తెలుగు ద్వారా మార్కెట్లోకి విడుదల కానుంది. ప్రమోషన్స్‌లో భాగంగా 'మ్యాచింగ్‌ మ్యాచింగ్‌' సాంగ్‌ ఓన్‌ కంపోజ్‌లో రీల్‌ చేసి మా యోగ లక్ష్మీ ఆర్ట్స్‌ క్రియేషన్స్‌ సోషల్‌ మీడియా అకౌంట్‌కి ట్యాగ్‌ చేయాలి. దానికంటే ముందు మా టీజర్‌ని వాళ్ళ సోషల్‌ మీడియా అకౌంట్‌లో పోస్ట్‌ చేసి, రిజిష్టర్‌ అవ్వాలి. అలా చేసి, టాప్‌ రీచ్‌ వచ్చిన వీడియోకి ఒక లక్ష రూపాయల ప్రైజ్‌ మని, ఫస్ట్‌ బెస్ట్‌ రీల్‌ చేసిన 10 వీడియోస్‌కి ఒక్కొక్కరికి 10వేలు, సెకెండ్‌ బెస్ట్‌ 10 రీల్స్‌కి ఒక్కొక్కరికి 5 వేల రూపాయల బహూమతి ఇస్తాం. ఈ కాంటెస్ట్‌ రీల్స్‌ని 10రోజుల లోపు పంపించాలి' అని చెప్పారు.
