శివ కందుకూరి, రాశి సింగ్‌ హీరో, హీరోయిన్లుగా పురుషోత్తం రాజ్‌ దర్శకత్వంలో రూపొందుతున్న సినిమా 'భూతద్ధం భాస్కర్‌ నారాయణ'.
ఈ సినిమాను స్నేహల్‌ జంగాల, శశిధర్‌ కాశి, కార్తీక్‌ ముడుంబై సంయుక్తంగా మిలియన్‌ డ్రీమ్స్‌ క్రియేషన్స్‌, విజయ సరాగ ప్రొడక్షన్స్‌ బ్యానర్స్‌ పై నిర్మిస్తున్నారు.
తాజాగా ఈ చిత్రం నుండి 'డప్పుకొట్టి చెప్పుకొనా' అనే సాంగ్‌ను విడుదల చేసింది చిత్ర బృందం. ఈ చిత్రానికి విజరు బుల్గానిన్‌ సంగీతం అందించారు. అందరికి అర్థమయ్యే పదాలతో భాస్కర భట్ల రచించిన ఈ పాటను, అనురాగ్‌ కులకర్ణి అంతే అద్భుతంగా అలపించారు. 'అందాల ఓ వెన్నెల నువ్వు నా కళ్ళ ముందుండగా
ఏనాడూ ఏ చీకటి ఇక రాదంట నా వైపుగా డప్పుకొట్టి చెప్పుకొనా ఊరంతా నేను డప్పుకొట్టి చెప్పుకొనా'.. అంటూ సాగే ఈ పాట విడుదలైన మరుక్షణం నుంచే అందర్నీ విశేషంగా అలరిస్తోంది.ఈ సందర్భంగా
మేకర్స్‌ మాట్లాడుతూ, 'మేం ఊహించినట్టే 'డప్పుకొట్టి' పాటకు మంచి స్పందన లభిస్తోంది. అలాగే ఈ సినిమాలోని ప్రతి సన్నివేశం ప్రేక్షకులకి ఎడ్జ్‌ ఆఫ్‌ద సీట్‌గా ఉంటుంది. ఈ చిత్రంలో ఏ సన్నివేశాన్ని ప్రేక్షకులు ముందుగా ఊహించడం చాలా కష్టం. ఈనెల 31న ఈ చిత్రాన్ని
ప్రేక్షకుల ముందుకు తీసుకొస్తాం' అని తెలిపారు.
