టాలీవుడ్‌లో మరో సరికొత్త క్రేజీ కాంబినేషన్‌లో ఓ ప్రాజెక్ట్‌ సెట్‌ అయ్యింది. ఈ క్రేజీ కాంబో ప్రాజెక్ట్‌ గురించి గత కొంత కాలంగా వార్తలు వినిపించడంతో ప్రేక్షకుల్లో మరింత ఆసక్తి పెరిగింది. ఆ ఆసక్తిని రెట్టింపు చేస్తూ మేకర్స్‌ శుక్రవారం ఈ నయా క్రేజీ కాంబినేషన్‌లో చేయబోతున్న ప్రాజెక్ట్‌ గురించి అధికారికంగా ప్రకటించారు.
అల్లుఅర్జున్‌, 'అర్జున్‌రెడ్డి' ఫేమ్‌ సందీప్‌రెడ్డి వంగా కాంబినేషన్‌లో
ఓ సినిమా భారీ సినిమా రూపొందనుంది. ఈ సినిమాను
టీ సిరీస్‌ ప్రొడక్షన్స్‌, భద్రకాళి పిక్చర్స్‌ బ్యానర్స్‌ పై భూషణ్‌ కుమార్‌, ప్రణరు రెడ్డి వంగా నిర్మించనున్నారు.
'అర్జున్‌రెడ్డి' చిత్రంతో పాక్‌బ్రేకింగ్‌ మేకర్‌గా పేరొందిన సందీప్‌రెడ్డి వంగా ప్రస్తుతం బాలీవుడ్‌లో రణబీర్‌ కపూర్‌తో 'యానిమల్‌' చిత్రాన్ని తెరకెక్కిస్తున్నారు. అలాగే అల్లుఅర్జున్‌ 'పుష్ప 2' చిత్ర షూటింగ్‌లో బిజీగా ఉన్నారు.
పాన్‌ ఇండియా సినిమాగా విడుదలై సంచలన విజయం సాధించిన 'పుష్ప' చిత్రానికి సీక్వెల్‌గా 'పుష్ప2' చిత్రాన్ని దర్శకుడు సుకుమార్‌ తెరకెక్కిస్తున్నారు. 'అర్జున్ రెడ్డి' సినిమాతో యూత్‌ను, సినిమా ప్రేక్షకులను తనవైపు తిప్పుకున్నాడు దర్శకుడు సందీప్‌ రెడ్డి వంగా. దర్శకుడిగా మొదటి సినిమాతోనే తనదైన ముద్రను వేసి భారీ ఇంపాక్ట్‌ క్రియేట్‌ చేశాడు. అలాగే ఇదే సినిమాని బాలీవుడ్‌లో రీమేక్‌ చేసి, అక్కడ కూడా హిట్‌ కొట్టాడు. ఈ నేపథ్యంలో అల్లు అర్జున్‌తో సందీప్‌ రెడ్డి వంగా చేసే సినిమా ఎలా ఉంటుందో వేచి చూడాలి.
