అభిషేక్‌ రెడ్డి పచ్చిపాలా, నాజియా, జబర్దస్త్‌ ఫణి ముఖ్య పాత్రలు పోషిస్తున్న చిత్రం 'జస్ట్‌ ఏ మినిట్‌'. రెడ్‌ స్వాన్‌ ఎంటర్టైన్మెంట్స్‌ బ్యానర్‌పై కార్తీక్‌ ధర్మపురి సహకారంతో పూర్ణస్‌ యస్వంత్‌ దర్శకత్వం వహిస్తున్నారు. అర్షద్‌ తన్వీర్‌ స్టోరీ, స్క్రీన్‌ ప్లే అందిస్తున్నారు. 'ఏడు చేపల కథ' సినిమాతో టెంప్ట్‌ రవిగా పరిచయం అయిన అభిషేక్‌రెడ్డి 'ఆవు పులి మధ్యలో ప్రభాస్‌ పెళ్లి', 'వైఫ్‌ఐ' చిత్రాల తర్వాత క్లీన్‌ కామెడీ కంటెంట్‌తో ఉన్న ఈ సినిమాతో రానున్నారు. ప్రేక్షకులు బాగా ఆదరించిన 'బులెట్‌ బండి సాంగ్‌' మ్యూజిక్ డైరెక్టర్‌ ఎస్‌ కే బాజీ ఈ చిత్రానికి మ్యూజిక్ డైరెక్షన్‌ వహించారు.
ఈ సినిమా చిత్రీకరణ పూర్తయ్యింది. ప్రస్తుతం పోస్ట్‌ ప్రొడక్షన్‌ జరుగుతోంది. ఈ మూవీ టైటిల్‌కి 17 ఏళ్ల రేయాన్‌ మ్యూజిక్ ఇవ్వటం విశేషం. ఇప్పటికే విడుదలైన మోషన్‌ పోస్టర్‌, యూట్యూబ్‌ షార్ట్స్‌ వైరల్‌ అవుతున్నాయి. ఈ చిత్రానికి ప్రొడ్యూసర్‌ : డా|| ప్రకాష్‌ ధర్మపురి ఎగ్జిక్యూటివ్‌ ప్రొడ్యూసర్‌ : సూరి శ్రీ ఇనగంటి, సినిమాటోగ్రాఫర్‌ : అమీర్‌, ఎడిటర్‌ : దుర్గా నరసింహా.
