బోనగాని ఎంటర్టైన్మెంట్స్‌ బ్యానర్‌ పై రాజు బోనగాని దర్శకత్వ సారథ్యంలో పాన్‌ ఇండియా స్థాయిలో తెరకెక్కుతున్న సినిమా 'రేవ్‌ పార్టీ'. కన్నడ, తెలుగు, హిందీ, తమిళం, మలయాళ భాషలలో చిత్రీకరణ జరుపుకోవడానికి సిద్ధంగా ఉంది. ఉగాది సందర్భంగా ఈ చిత్ర పూజా కార్యక్రమం జరిగింది.
క్రిష్‌ సిద్దిపల్లి హీరోగా నటిస్తుండగా, సుచేంద్ర ప్రసాద్‌, తారక్‌ పొన్నప్ప, ప్రతిమ తదితరులు ఇతర ముఖ్య పాత్రలను పోషిస్తున్నారు.
డైరెక్టర్‌ రాజు బొనగాని మాట్లాడుతూ,'ఏప్రిల్‌ 3 నుంచి చిత్రీకరణ ప్రారంభించి, శరవేగంగా ఒకే ఒక షెడ్యూల్‌లో పూర్తి చేస్తాం. ఉడిపి, గోవా, మణిపాల్‌ లాంటి ప్రాంతాలలో ఎక్కువ ఈ రకమైన పార్టీలు జరుగుతుంటాయి, అందుకే అక్కడ ఈ సినిమాని చిత్రీకరిస్తున్నాం. రేవ్‌ పార్టీలో ఏం జరుగుతుంది?, ఎలాంటి డ్రగ్స్‌ వాడతారు?, వీటిని పొలిటీషన్లు ఎందుకు ప్రోత్సహిస్తున్నారు?, వారి అసలు అజెండా ఏమిటి అనే విషయాలు, ఈ పార్టీల వల్ల యువత జీవితంలో ఎలాంటి మలుపులు తిరుగుతాయి అనే పాయింట్స్‌తో సస్పెన్స్‌, ఎంగేజింగ్‌ థ్రిల్లర్‌గా ఈ సినిమా ఉంటుంది' అని తెలిపారు.
