యోగేశ్వర్‌, అతిధి జంటగా, సాయి శివాజీ దర్శకత్వంలో జివివి గిరి నిర్మించిన చిత్రం 'పరారీ'. శ్రీ శంకర ఆర్ట్స్‌ బ్యానర్‌పై గాలి ప్రత్యూష సమర్పిస్తున్న ఈ చిత్రంలోని 'ఎల్ల ఎల్ల' సాంగ్‌ని దర్శకుడు నక్కిన త్రినాథ్‌ రావు విడుదల చేశారు.
ఈ సందర్భంగా ఆయన మాట్లాడుతూ, 'ఎల్ల ఎల్ల..' పాటను రిలీజ్‌ చేయడం సంతోషంగా ఉంది. నేను ఈ సినిమా చూసాను. ప్రొడక్షన్‌ వాల్యూస్‌ బాగున్నాయి. పాటలు కూడా ఓ రేంజ్‌లో ఉన్నాయి. పాటలు వింటుంటే చక్రి సంగీతం వింటున్నట్టు ఉంది. ఒక స్టార్‌ హీరో సాంగ్స్‌ ఎలా ఉంటాయో ఖర్చుకు వెనుకాడకుండా అలా తీశారు. రామ జోగయ్య శాస్త్రి అద్భుతంగా ఈ పాటను రాశారు. కామెడీ కూడా చాలా బాగుంది. గౌతం రాజు ఎడిటింగ్‌ చాలా బాగుంది. ఆయనకు ఈ చిత్రం అంకితమివ్వాలి అని నిర్మాత గిరికి విజ్ఞప్తి చేస్తున్నాను. ఈ సినిమా ఈనెల 30న రెండు తెలుగు రాష్ట్రాల్లో భారీగా రిలీజ్‌ అవుతుంది' అని అన్నారు. 'మ్యూజిక్ డైరెక్టర్‌ మహిత్‌ నారాయణ్‌ మంచి మ్యూజిక్ ఇచ్చారు. రామజోగయ్య శాస్త్రి అద్భుతమైన లిరిక్స్‌ ఇచ్చారు. మా హీరో యోగిని ప్రేక్షకుల ఆదరించాలని కోరుకుంటున్నాను. మా శంకర ఆర్ట్స్‌ బ్యానర్‌లో మరిన్ని మంచి సినిమాలు నిర్మిస్తాము. ఇందులో నటించిన ఆర్టిస్టులు టెక్నీషియన్స్‌ అందరూ మాకు బాగా సపోర్ట్‌ చేయటంతో సినిమా చాలా బాగా వచ్చింది' అని నిర్మాత జి.వి.వి.గిరి ఉన్నాయి.
సంగీత దర్శకుడు మహిత్‌ నారాయణ్‌ మాట్లాడుతూ,' నక్కిన త్రినాథ్‌ రావు మా పాటను రిలీజ్‌ చేయడం అదృష్టంగా భావిస్తున్నాను. ఈ పాటకు దీపక్‌ మంచి వాయిస్‌ ఇచ్చారు. మా సాంగ్స్‌ని ఆదరించి సినిమాని పెద్ద హిట్‌ చేస్తారని ఆశిస్తున్నాను' అని తెలిపారు.
'మంచి కాన్సెప్ట్‌తో రూపొందిన ఇటువంటి సినిమాలో నటించడం చాలా ఆనందంగా ఉంది. ఈ సినిమా తర్వాత నాకు మరిన్ని అవకాశాలు వస్తాయని ఆశిస్తున్నాను' అని హీరో యోగిశ్వర్‌ అన్నారు.
సుమన్‌, భూపాల్‌, శివాని సైని, రఘు కారుమంచి, మకరంద్‌ దేశముఖ్‌, షయాజి షిండే, అలీ, శ్రవణ్‌, కల్పాలత, జీవ తదితరులు నటించిన ఈ చిత్రానికి దర్శకత్వం: సాయి శివాజీ.
