కింగ్‌ డమ్‌ మూవీస్‌ పతాకంపై ఘర్షణ శ్రీనివాస్‌ సమర్పణలో రమణారెడ్డి గడ్డం దర్శకత్వంలో విశాల పసునూరి నిర్మిస్తున్న చిత్రం 'సిఐ భారతి'. నరేంద్ర, గరిమా హీరో, హీరోయిన్లుగా నటిస్తున్నారు. సోమవారంహైదరాబాద్‌లో ఈ చిత్ర ప్రారంభోత్సవం గ్రాండ్‌గా జరిగింది.
ఈ కార్యక్రమానికి ముఖ్య అతిథిగా విచ్చేసిన మంత్రి మల్లారెడ్డి స్క్పిప్ట్‌ అందజేశారు. నటుడు అలీ తొలి సన్నివేశానికి క్లాప్‌ కొట్టారు. అనంతరం మీడియాతో దర్శకుడు రమణారెడ్డి గడ్డం మాట్లాడుతూ, 'రొటీన్‌కి భిన్నంగా ఈ చిత్రాన్ని తెరకెక్కిస్తున్నాం.
ఇదొక పవర్‌ఫుల్‌ స్టోరీ. మంత్రి మల్లారెడ్డి,నటుడు అలీ మా చిత్ర ప్రారంభోత్సవానికి రావడం ఎంతో సంతోషంగా ఉంది. ప్రస్తుతం ఆవులు పశుగ్రాసం లేక చెత్త కుప్పల దగ్గర పేపర్లు తినే పరిస్థితి చూస్తున్నాం. దీని గురించి మా చిత్రంలో ఒక ట్రాక్‌ పెట్టాం. మా సినిమా ద్వారా వచ్చే రిటర్స్న్‌లో కొంత భాగం పశుగ్రాసం కోసం కేటాయిస్తాం. ఏప్రిల్‌ 10 నుంచి సింగిల్‌ షెడ్యూల్‌లో షూటింగ్‌ పూర్తి చేస్తాం' అని తెలిపారు. 'దర్శకుడు రమణారెడ్డి చెప్పిన కథ నాకెంతో బాగా నచ్చింది. ఇంత మంచి చిత్రాన్ని నేను ప్రొడ్యూస్‌ చేయడం ఎంతో సంతోషంగా ఉంది' అని సమర్పకులు ఘర్షణ శ్రీనివాస్‌ చెప్పారు. హీరో నరేంద్ర మాట్లాడుతూ,'రమణా రెడ్డి అద్భుతమైన కథతో ఈ సినిమా తీస్తున్నారు. ఐదు అద్భుతమైన పాటలున్నాయి. ఒక మంచి స్క్రిప్ట్‌లో హీరోగా నటించడం చాలా సంతోషం. నా క్యారక్టర్‌ని చాలా బాగా డిజైన్‌ చేశారు' అని చెప్పారు.
'ఈ చిత్రంలో హీరోయిన్‌గా నటించే అవకాశం కల్పించిన దర్శక, నిర్మాతలకు నా ధన్యవాదాలు. పవర్‌ఫుల్‌ కథతో తెరకెక్కుతున్న ఈ సినిమా నాకు నటిగా మంచి గుర్తింపునిస్తుంది' అని నాయిక గరిమా అన్నారు.
ఈ చిత్రానికి కో-ప్రొడ్యూసర్‌ : రేణుక కాసుల, ఎగ్జిక్యూటివ్‌ ప్రొడ్యూసర్‌: వెంకటేశ్వరరావు, మ్యూజిక్ : ప్రిన్స్‌ హెన్రీ, సినిమాటోగ్రాఫర్‌ : శ్రీనివాస రెడ్డి, ఎడిటర్‌ :రామారావు, ఆర్ట్‌ : ఆనంద్‌, డాన్స్‌ :హరి.
