మేఘాంశ్‌ శ్రీహరి, రియా సచ్‌దేవ ప్రధాన పాత్రలలో నూతన దర్శకుడు జి. భవానీ శంకర్‌ దర్శకత్వంలో ఎ2 పిక్చర్స్‌ బ్యానర్‌ పై సంధ్యా రాణి, స్వరూప రాణి నిర్మిస్తున్న చిత్రం 'మిస్టర్‌ బ్రహ్మ ఏంటి ఈ డ్రామా?'.సోమవారం ఈ చిత్ర ప్రారంభోత్సవ కార్యక్రమం గ్రాండ్‌గా జరిగింది. హీరో, హీరోయిన్లపై హీరో మంచు మనోజ్‌ క్లాప కొట్టగా, చోటా కె నాయుడు కెమెరా స్విచాన్‌ చేశారు. ముహూర్తపు సన్నివేశానికి దర్శకుడు బాబీ కొల్లి గౌరవ దర్శకత్వం వహించారు.
అనంతరం మంచు మనోజ్‌, బాబీ కొల్లి, చోటా కె నాయుడు టైటిల్‌ పోస్టర్‌ని లాంచ్‌ చేశారు. మంత్రి తలసాని శ్రీనివాస్‌ యాదవ్‌ చిత్ర యూనిట్‌కు శుభాశీస్సులు అందించారు. ఈ సందర్భంగా హీరో మేఘాంశ్‌ శ్రీహరి మాట్లాడుతూ, 'దర్శకుడిని నమ్మి ఈ సినిమాకి అంగీకరింఆను. మా నిర్మాత చాలా గొప్ప సపోర్ట్‌ ఇచ్చారు. గోపిసుందర్‌, రామ్‌ ప్రసాద్‌ లాంటి బెస్ట్‌ టెక్నిషియన్స్‌ ఈ చిత్రానికి పని చేయడం ఆనందంగా ఉంది. మమ్మల్ని నమ్మి ఇంత భారీగా సినిమాని నిర్మిస్తున్న నిర్మాతకు కృతజ్ఞతలు' అని తెలిపారు. 'ఈ కథని ఎక్కడా రాజీపడకుండా గొప్పగా నిర్మిస్తున్న నిర్మాతలకు కృతజ్ఞతలు. మంచి టెక్నిషియన్స్‌ ఇచ్చారు. వారి నమ్మకం వల్లే ఇది సాధ్యపడింది. ఎ2 పిక్చర్స్‌కి ఎప్పుడూ రుణపడి ఉంటాను. గోపి సుందర్‌ ఇచ్చిన పాటలన్నీ బ్లాక్‌ బస్టర్‌ అవుతాయి. ఇందులో బ్రహ్మ పాత్ర సౌత్‌ ఇండిస్టీలో ఒక టాప్‌ హీరో చేయబోతున్నారు. అది త్వరలోనే అనౌన్స్‌ చేస్తాం. ఇది సోషియో ఫాంటసీ, మైథాలజీ, లవ్‌ ఫుల్‌ ఎంటర్‌టైనర్‌' అని దర్శకుడు భవానీ శంకర్‌ చెప్పారు.
సంగీత దర్శకుడు గోపి సుందర్‌ మాట్లాడుతూ, 'దర్శకుడు భవానీ చెప్పిన కథ చాలా నచ్చింది. ఇందులో ఆరు పాటలు ఉంటాయి. ఇది ఫుల్‌ ప్యాకేజ్‌. సబ్జెక్ట్‌ చాలా కొత్తగా ఉంటుంది' అని అన్నారు. 'ఈ ప్రాజెక్ట్‌లో చేయడం చాలా ఎగ్జైటింగ్‌గా ఉంది. మంచి కథతో మీ ముందుకు వస్తున్నాం' అని నాయిక రియా సచ్‌దేవ తెలిపారు.
నిర్మాత మాట్లాడుతూ,'ఎ2 పిక్చర్స్‌ ద్వారా మేము నిర్మిస్తున్న మొదటి చిత్రం 'మిస్టర్‌ బ్రహ్మ ఏంటి ఈ డ్రామా?'. దర్శకుడు భవానీ శంకర్‌ చెప్పిన కథ చాలా బావుంది. కథపై నమ్మకంతో ఎక్కడా రాజీపడకుండా నిర్మిస్తున్నాం. ఈ చిత్రానికి గోపీసుందర్‌, రామ్‌ ప్రసాద్‌ లాంటి పెద్ద టక్నీిషియన్స్‌ ఉండటం మా అదృష్టం. మా మొదటి ప్రయత్నాన్ని అందరూ ఆదరించాలి' అని అన్నారు. పోసాని కృష్ణ మురళి, సునీల్‌, హర్ష వర్ధన్‌, శ్రీనివాస్‌ రెడ్డి, నెల్లూరు సుదర్శన్‌ తదితరులు నటిస్తున్న ఈచిత్రానికి రచన, దర్శకత్వం - జి. భవానీ శంకర్‌, నిర్మాతలు - సంధ్యా రాణి, స్వరూప రాణి, ఎడిటర్‌ -ఎంఆర్‌ వర్మ, ఆర్ట్‌ - రఘు కులకర్ణి, లిరిక్స్‌ - శ్యామ్‌ కాసర్ల, శ్రీమణి, ఎగ్జిక్యూటివ్‌ ప్రొడ్యూసర్‌ - ముత్తినీడు గణేష్‌.
