బోయపాటి శ్రీను, రామ్‌ పోతినేని కాంబోలో రూపొందుతున్న క్రేజీ సినిమా (బోయపాటిరాపో) శరవేగంగా షూటింగ్‌ జరుపుకుంటోంది. ఈ చిత్రంలో అన్ని కమర్షియల్‌ ఎలిమెంట్స్‌తో పాటు మాస్‌ యాక్షన్‌ సీక్వెన్స్‌లు ఎక్కువగా ఉండబోతున్నాయి. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాస చిట్టూరి అత్యంత భారీ బడ్జెట్‌తో, అంతర్జాతీయ స్థాయి నిర్మాణ విలువలు, అత్యున్నత సాంకేతిక ప్రమాణాలతో ఈ చిత్రాన్ని ప్రతిష్టాత్మకంగా నిర్మిస్తున్నారు. సోమవారం ఈ సినిమా విడుదల తేదీని మేకర్స్‌ అనౌన్స్‌ చేశారు.దసరా కానుకగా అక్టోబర్‌ 20న వరల్డ్‌ వైడ్‌గా ఈ సినిమా థియేటర్లలోకి రానుంది. మాస్‌తో పాటు ఫ్యామిలీస్‌ని మెప్పించే సినిమాకి ఇది సరైన తేదీ. దసరా సెలవులు సినిమాకి కలిసివస్తాయనే భావనతో చిత్ర బృందం ఉంది. అనౌన్స్‌ మెంట్‌ పోస్టర్‌లో రామ్‌ తన చేతితో గంగిరెద్దు(ఎద్దు)ని లాగుతూ పోస్టర్‌లో రగ్డ్‌, మాస్‌గా కనిపిస్తున్నారు. డెనిమ్స్‌ షర్టు, జీన్స్‌లో క్లాస్‌గా, ఫ్యాషనబుల్‌గా కనిపిస్తున్నప్పటికీ, అతని ముఖంలో వైల్డ్‌ నెస్‌ కనిపిస్తుంది. రామ్‌ని బోయపాటి శ్రీను మాస్‌ క్యారెక్టర్‌లో చూపించబోతున్నారని ఈ పోస్టర్‌ చెప్పకనే చెప్పింది. ఈ మాస్‌ యాక్షన్‌ ఎంటర్‌టైనర్‌లో రామ్‌కు జోడిగా శ్రీలీల నటిస్తోంది. ఇందులో ప్రముఖ పాత్రలలో పలువురు నోటెట్‌ నటీనటులు కూడా నటిస్తున్నారు. ఈ సినిమా హిందీతోపాటు అన్ని సౌత్‌ ఇండియన్‌ భాషలలో విడుదల అవుతుంది. ఈ చిత్రానికి రచన, దర్శకత్వం: బోయపాటి శ్రీను, నిర్మాత: శ్రీనివాస చిట్టూరి, బ్యానర్‌: శ్రీనివాస సిల్వర్‌ స్క్రీన్‌, సంగీతం: ఎస్‌ తమన్‌, డీవోపీ: సంతోష్‌ డిటాకే, ఎడిటింగ్‌: తమ్మిరాజు.
