ప్రభాస్‌, రాజమౌళి కలయికలో రూపొందిన బ్లాక్‌బస్టర్‌ చిత్రం 'ఛత్రపతి'. హిందీలో ఈచిత్ర రీమేక్‌తో హీరో శ్రీనివాస్‌ బెల్లంకొండను బాలీవుడ్‌లో లాంచ్‌ అవుతున్నారు. వివి వినాయక్‌ దర్శకత్వంలో ఈచిత్రాన్ని ప్రముఖ బాలీవుడ్‌ నిర్మాణ సంస్థ పెన్‌ స్టూడియోస్‌ నిర్మిస్తోంది. ఒరిజినల్‌కి కథను అందించిన రాజమౌళి తండ్రి కెవి విజయేంద్ర ప్రసాద్‌ రీమేక్‌ వెర్షన్‌కి కూడా రచయిత. ఇప్పటికే షూటింగ్‌ పనులు పూర్తి చేసుకున్న ఈ సినిమా ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటోంది. సోమవారం ఈ చిత్ర ఫస్ట్‌లుక్‌ పోస్టర్‌ని విడుదల చేసిన మేకర్స్‌, రిలీజ్‌ డేట్‌ని కూడా అనౌన్స్‌ చేశారు. ఈ చిత్రానికి 'ఛత్రపతి' అని తెలుగు టైటిల్‌నే పెట్టడం విశేషం. సమ్మర్‌ స్పెషల్‌గా మే 12న ఈసినిమా థియేటర్లలోకి రానుంది. ఈ ఫస్ట్‌లుక్‌ పోస్టర్‌ శ్రీనివాస్‌ని షర్ట్‌ లేకుండా బీస్ట్‌ మోడ్‌లో ప్రజంట్‌ చేసింది. కండలు తిరిగిన దేహంతో ఒక చేతిలో రాగి చెంబుతో నీటిలో నిలబడి, వీపుపై గాయాలతో కనిపించారు. పోస్టర్‌లో భీకరమైన మేఘాలు శ్రీనివాస్‌ పాత్ర అగ్రెసివ్‌ని సూచిస్తున్నాయి. ఆయన్ని యాక్షన్‌ ప్యాక్డ్‌ పాత్రలో దర్శకుడు వి.వి.వినాయక్‌ ప్రెజెంట్‌ చేశారు. శీనివాస్‌ ఇప్పటికే డిజిటల్‌ వరల్డ్‌ వైడ్‌ బిగ్గెస్ట్‌ స్టార్‌లలో ఒకరు. ఆయన నటించిన 'ఖూంఖార్‌' (జయ జానకి నాయక హిందీ డబ్బింగ్‌) 700 మిలియన్ల వ్యూస్‌ని అధిగమించి రికార్డ్‌ క్రియేట్‌ చేసింది. డాక్టర్‌ జయంతిలాల్‌ గడా ఈ ప్రాజెక్ట్‌ను నిర్మిస్తుండగా, పెన్‌ మరుధర్‌ సినీ ఎంటర్‌టైన్‌మెంట్‌ ధవల్‌ జయంతిలాల్‌ గడా, అక్షయ్‌ జయంతిలాల్‌ గడా ఈ చిత్రాన్ని ప్రపంచవ్యాప్తంగా విడుదల చేయనున్నారు.
