ప్రముఖ మలయాళ హాస్యనటుడు ఇన్నోసెంట్‌ కన్నుమూశారు. కోవిడ్‌ సంబంధిత సమస్యతో గత కొన్ని రోజులుగా చికిత్స పొందుతున్న ఆయన పరిస్థితి విషమించడటంతో సోమవారం తుది శ్వాస విడిచారు. నటుడు, నిర్మాత, రచయిత, సింగర్‌గా ఇలా పలు విభాగాల్లో తన ప్రతిభతో బహుముఖ ప్రజ్ఞాశాలిగా ఆయన తనకంటూ ఓ ప్రత్యేక బ్రాండ్‌ ఇమేజ్‌ తెచ్చుకున్నారు. మలయా ళం, తమిళం, హిందీ, ఇంగ్లీష్‌ భాషల్లో ఆయన దాదాపు 750 సినిమాల్లో
తనదైన కామెడీ టైమింగ్‌తో ప్రేక్షకులకు మంచి వినోదాన్ని అందించారు. అలాగే పలు చిత్రాలను నిర్మించి అభిరుచిగల నిర్మాతగానూ, పలు పుస్తకాల రచనతో రచయితగానూ మంచి పేరొందారు. 2014 ఎన్నికల్లో ఎంపీగా గెలుపొంది, ప్రజా నాయకుడిగానూ సేవలను అందించారు. ఇన్నోసెంట్‌ మృతిపై నటుడు పృథ్విరాజ్‌ సుకుమారన్‌ 'సినిమా చరిత్రలో ఒక ఐకానిక్‌ అద్యాయానికి ముగింపు. రెస్ట్‌ ఇన్‌ పీస్‌ లెజెండ్‌' అంటూ సోషల్‌మీడియాలో తమ సంతాపం వ్యక్తం చేశారు.
