నిర్మాత అల్లు అరవింద్‌ ఆశీస్సులతో సత్య ఆర్ట్స్‌ పతాకంపై ప్రొడక్షన్‌ నెం.1గా ఇటీవల ప్రారంభమైన చిత్రం 'మెగా పవర్‌'. శ్రీ కల్యాణ్‌, శశి జంటగా నటిస్తున్న ఈ చిత్రానికి గేదెల రవిచంద్ర దర్శకుడు. అడబాల నాగబాబు, సాయి నిర్మల, ఇల్లా అభిషేక్‌, సత్యమూర్తి గేదెల నిర్మాతలు. అగ్ర కథానాయకుడు రామ్‌చరణ్‌ పుట్టినరోజును పురస్కరించుకుని దర్శకులు మెహర్‌ రమేష్‌, కె.ఎస్‌.రవీంద్ర (బాబీ) ఫస్ట్‌ లుక్‌ను విడుదల చేశారు.
ఈ సందర్భంగా దర్శక, నిర్మాతలు మాట్లాడుతూ, 'రామ్‌చరణ్‌ పుట్టినరోజు సందర్భంగా చిరంజీవితో ఉన్న మా చిత్ర ఫస్ట్‌ లుక్‌ను విడుదల చేశాం. మేం అడగ్గానే బిజీ షెడ్యూల్‌లో ఉన్నా మెహర్‌ రమేష్‌, బాబీ మా ఫస్ట్‌లుక్‌ను రిలీజ్‌ చేసినందుకు కృతజ్ఞతలు. చరణ్‌ పుట్టిన రోజున మా సినిమా ఫస్ట్‌లుక్‌ని విడుదల చేయడం ఆనందంగా ఉంది. అలాగే మెగా ఫ్యామిలీ హీరోల సపోర్ట్‌తో ముందుకెళ్తున్నాం. ప్రస్తుతం మా చిత్రం మొదటి షెడ్యూల్‌ షూటింగ్‌ శరవేగంగా జరుగుతోంది. మదర్‌ సెంటిమెంట్‌తో సాగే యాక్షన్‌ ఎంటర్‌టైనర్‌ ఇది. మంచి సినిమా అవుతుందనే నమ్మకం ఉంది. మెగా హీరోల అభిమానులు అందరి సపోర్ట్‌ మాకు ఉంటుందని ఆశిస్తున్నాం' అని చెప్పారు.
పృథ్వీ, రఘుబాబు, మురళీశర్మ, రచ్చ రవి, రియాజ్‌, రెహమాన్‌, శ్రీకాంత్‌ అయ్యంగర్‌, సురేష్‌, సంగీత, ప్రభావతి వర్మ, కౌశల్య కీలక పాత్రలు పోషిస్తున్న ఈ చిత్రానికి డిఓపి: శ్రీకాంత్‌ గేదెల, కొరియోగ్రాఫర్‌ఫ శిరీష్‌ గేదెల, ఆర్ట్‌: విఠల్‌ కోసనం, సంగీతం: మ్యాడీ, ఎడిటర్‌: మార్తండ్‌ కె. వెంకటేశ్‌, స్టంట్‌ మాస్టర్‌: టి. రవిరాజుమాటలు: రావణ్‌ తోట, కథ - స్క్రీన్‌ప్లే - దర్శకత్వం: రవిచంద్ర గేదెల.
