సాయిధరమ్‌ తేజ్‌ హీరోగా నటిస్తున్న పాన్‌ ఇండియా మిస్టీక్‌ థ్రిల్లర్‌ 'విరూపాక్ష'. సంయుక్త మీనన్‌ కథానాయిక. కార్తీక్‌ దండు దర్శకత్వంలో శ్రీ వెంకటేశ్వర సినీ చిత్ర ఎల్‌ఎల్‌పీ, సుకుమార్‌ రైటింగ్స్‌ బ్యానర్స్‌ నిర్మిస్తున్నాయి.
బాపినీడు బి.సమర్పణలో నిర్మాత బీవీఎస్‌ఎన్‌ ప్రసాద్‌ ఈ చిత్రాన్ని తెరకెక్కిస్తున్నారు. పాన్‌ ఇండియా స్థాయిలో తెలుగు, తమిళ, మలయాళ, కన్నడ, హిందీ భాషల్లో ఏప్రిల్‌ 21న ప్రపంచవ్యాప్తంగా ఈ చిత్రాన్ని విడుదల చేయడానికి నిర్మాతలు రంగం సిద్ధం చేస్తున్నారు.
ఈ చిత్రం ప్రమోషన్‌లో భాగంగా ఇప్పటి వరకు విడుదలైన ప్రతి ప్రచార చిత్రానికి మంచి స్పందన వచ్చింది. ముఖ్యంగా ఇటీవల విడుదల చేసిన టీజర్‌ అందరిలోనూ ఆసక్తిని, ఉత్కంఠను కలిగించింది.
తాజాగా ఈ చిత్రం నుంచి 'నచ్చావులే.. నచ్చావులే' అనే లిరికల్‌ సాంగ్‌ను చిత్రబృందం విడుదల చేసింది. 'కాంతార' ఫేమ్‌ అజనీష్‌ లోక్‌నాథ్‌ స్వరాలు సమకూర్చిన ఈ సాంగ్‌కు కృష్ణకాంత్‌ సాహిత్యం సమాకూర్చగా, కార్తీక్‌ ఆలపించారు. 1990లో జరిగే కథలో ఓ ప్రాంతంలో ప్రజలు విచిత్రమైన సమస్యతో బాధ పడుతుంటారు. ప్రజలు ఎదుర్కొంటున్న సమస్యకు పరిష్కారం చూపడానికి హీరో ఏం చేశాడనేది అసలు కథ అని టీజర్‌ చూస్తే అర్థమవుతుంది. అజనీష్‌ లోక్‌నాథ్‌ సంగీతం, నేపథ్య సంగీతం సినిమాపై మరింత ఆసక్తిని పెంచుతున్నాయి. ఈ చిత్రానికి జీనియస్‌ డైరెక్టర్‌ సుకుమార్‌ స్క్రీన్‌ప్లే అందించడం విశేషం.
