మైత్రీ మూవీ మేకర్స్‌ సమర్పణలో కిరణ్‌ అబ్బవరం హీరోగా తెరకెక్కిన మాస్‌ యాక్షన్‌ ఎంటర్‌ టైనర్‌ 'మీటర్‌'. నూతన దర్శకుడు రమేష్‌ కడూరి దర్శకత్వం వహిస్తున్న ఈ చిత్రాన్ని క్లాప్‌ ఎంటర్‌టైన్‌మెంట్‌ నిర్మిస్తోంది. సమ్మర్‌ స్పెషల్‌గా ఏప్రిల్‌ 7న సినిమా గ్రాండ్‌గా విడుదల కానుంది. ఈ నేపథ్యంలో ఈ చిత్రంలో హీరోయిన్‌ అతుల్య రవి మీడియాతో మాట్లాడుతూ, '''మీటర్‌'తో తెలుగు పరిశ్రమలోకి రావడం, మైత్రీ మూవీ మేకర్స్‌, క్లాప్‌ ఎంటర్‌టైన్‌మెంట్‌ లాంటి ప్రముఖ సంస్థలు నిర్మిస్తున్న సినిమాలో అవకాశం దక్కడం చాలా హ్యాపీగా ఉంది. కథ చెప్పినప్పుడే చాలా నచ్చింది. ఇందులో నా పాత్ర చాలా డిఫరెంట్‌గా ఉంటుంది. అబ్బాయిలు అంటే ఇష్టం లేని పాత్ర నాది. చాలా సీరియస్‌గా ఉంటుంది. అయితే అందులో నుంచే కామెడీ జనరేట్‌ అవుతుంది. ఇది పక్కా కమర్షియల్‌ మూవీ అయినప్పటికీ ఇందులో అద్భుతమైన ఎమోషన్స్‌ కూడా ఉన్నాయి. పాటలు, డ్యాన్సులు కూడా బావుంటాయి. మాస్‌ ఫైట్స్‌, రొమాన్స్‌, లవ్‌తో పాటు ఫాదర్‌ సెంటిమెంట్‌ కీలకంగా ఉంటుంది. హీరో కిరణ్‌, నాకు ఉన్న కాంబినేషన్‌ సీన్స్‌ చాలా సరదాగా ఉంటాయి. సినిమాల పరంగా ఫీల్‌ గుడ్‌ లవ్‌ స్టోరీస్‌, రస్టిక్‌ సినిమాలు, ప్రయోగాత్మక పాత్రలు కూడా చేయాలని ఉంది. ప్రస్తుతం తమిళ్‌లో హరీష్‌ కళ్యాణ్‌తో 'డీజిల్‌' సినిమా చేస్తున్నా' అని తెలిపింది.
