మైత్రీ మూవీ మేకర్స్‌ సమర్పణలో కిరణ్‌ అబ్బవరం హీరోగా తెరకెక్కిన మాస్‌ యాక్షన్‌ ఎంటర్‌టైనర్‌ 'మీటర్‌'. నూతన దర్శకుడు రమేష్‌ కడూరి దర్శకత్వం వహిస్తున్న ఈ చిత్రాన్ని క్లాప్‌ ఎంటర్‌టైన్‌మెంట్‌ నిర్మిస్తోంది.
నవీన్‌ యెర్నేని, రవిశంకర్‌ యలమంచిలి సమర్పణలో చిరంజీవి (చెర్రీ), హేమలత పెదమల్లు నిర్మించారు. అతుల్య రవి కథానాయిక. వేసవి కానుకగా ఏప్రిల్‌ 7న ఈ సినిమా ప్రేక్షకుల ముందుకు రానుంది. ఈ సందర్భంగా దర్శకుడు రమేష్‌ కడూరి మీడియాతో మాట్లాడుతూ, 'బాబీ, గోపీచంద్‌ మలినేని దగ్గర సహాయ దర్శకుడిగా పని చేశాను. ఇప్పుడు ఈ సినిమాతో దర్శకుడిగా పరిచయం అవుతున్నాను.
రచయిత శ్రీకాంత్‌ విస్సా మైత్రీ మూవీ మేకర్స్‌కి నా దగ్గరున్న కథ గురించి రిఫర్‌ చేశారు. నిర్మాతలకు నచ్చడంతో ఈ ప్రాజెక్ట్‌ సెట్‌ అయ్యింది. కిరణ్‌ ఇంతకుముందు చేసిన సినిమాలన్నింటి కంటే ఇది ఫ్రెష్‌గా ఉంటుంది. ఇందులో ఆయన ఒక డిఫరెంట్‌ పోలీస్‌ ఆఫీసర్‌గా కనిపిస్తారు. సీరియస్‌ కాప్‌గా సెకండ్‌ హాఫ్‌లో
ఓ పది నిమిషాలు ఉంటారు. ఆ పది నిమిషాలు థియేటర్‌లో రఫ్ఫాడించేస్తాడు. మిగతా అంతా తండ్రి కొడుకుల మధ్య మంచి ఎమోషన్‌తో పాటు చాలా ఎంటర్‌టైనింగ్‌గా ఉండే కథ. నాయిక అతుల్యరవి తమిళంలో నటించిన సినిమాలు చూశాను. తను అద్భుతమైన నటి. ఈ సినిమాలో తన పాత్ర చాలా బాగుంటుంది. ఇది విడుదలయ్యాక ఆమె తెలుగులోనూ బిజీ అవుతుంది. కథకి తగ్గట్టు కమర్షియల్‌ టోన్‌ తెలిసిన సంగీత దర్శకుడు సాయి కార్తిక్‌. ఈ సినిమాకి నెక్స్ట్‌ లెవల్‌ మ్యూజిక్ ఇచ్చారు. నిర్మాణంలో మా నిర్మాతలు ఎక్కడా కాంప్రమైజ్‌ కాలేదు. ఈ సినిమాతో దర్శకుడిగా నాకు మంచి గుర్తింపు లభిస్తుందని ఆశిస్తున్నాను' అని తెలిపారు.
