బాలకృష్ణ అభిమానులకు, ప్రేక్షకులకు షైన్‌ స్క్రీన్స్‌ సంస్థ అధినేతలు
సాహు గారపాటి, హరీష్‌ అదిరిపోయే సర్‌ప్రైజ్‌ అప్‌డేట్‌ ఇచ్చారు. ఈచిత్రాన్ని విజయదశమి కానుకగా విడుదల చేస్తున్నట్టు శుక్రవారం అధికారికంగా అనౌన్స్‌ చేశారు. బాలకృష్ణ, అనిల్‌ రావిపూడి కాంబినేషన్‌లో రూపొందుతున్న యాక్షన్‌ ఎంటర్‌టైనర్‌ ఇది. రిలీజ్‌ అనౌన్స్‌మెంట్‌ నేపథ్యంలో ఎన్‌బికె108.. ''విజయదశమికి ఆయుధ పూజ' అని పేర్కొన్నారు. ఈ అనౌన్స్‌ మెంట్‌ పోస్టర్‌లో బాలకృష్ణ చాలా ఇంటెన్స్‌ కనిపిస్తున్నారు. అలాగే పోస్టర్‌లో కాళీమాత విగ్రహం కూడా ఉంది. కాజల్‌ అగర్వాల్‌ కథానాయికగా నటిస్తుండగా, శ్రీలీల కీలక పాత్రలో కనిపించనున్న ఈ చిత్రంలో ప్రముఖ సాంకేతిక నిపుణులు పని చేస్తున్నారు. ఈచిత్రానికి రచన, దర్శకత్వం: అనిల్‌ రావిపూడి, నిర్మాతలు: సాహు గారపాటి, హరీష్‌ పెద్ది, సంగీతం: తమన్‌, డీవోపీ: సి రామ్‌ ప్రసాద్‌, ఎడిటర్‌: తమ్మి రాజు, ప్రొడక్షన్‌ డిజైనర్‌: రాజీవ్‌, ఫైట్స్‌: వి వెంకట్‌, ఎగ్జిక్యూటివ్‌ ప్రొడ్యూసర్‌: ఎస్‌.కృష్ణ.
