రవితేజ నటించిన క్రైమ్‌ యాక్షన్‌ థ్రిల్లర్‌ 'రావణాసుర'. సుధీర్‌ వర్మ దర్శకత్వం వహించిన ఈ చిత్రాన్ని అభిషేక్‌ పిక్చర్స్‌,ఆర్‌ టీ టీమ్‌ వర్క్స్‌పై అభిషేక్‌ నామా, రవితేజ నిర్మించారు. హీరో సుశాంత్‌ కీలక పాత్ర పోషించారు. ఈ సినిమా ఈనెల 7న సమ్మర్‌ స్పెషల్‌గా రిలీజ్‌ కానుంది. ఈ నేపథ్యంలో సుశాంత్‌ మీడియాతో ఈ సినిమా విశేషాలను షేర్‌ చేసుకున్నారు. ''సుశాంత్‌ యాజ్‌ రామ్‌' అని రావణాసుర పోస్టర్‌ రిలీజ్‌ చేశారు. 'రావణాసుర' టైటిల్‌ రోల్‌ రవితేజ చేస్తున్నారు. ట్రైలర్‌ చూస్తే గ్రే షేడ్స్‌ అందరికీ ఉన్నాయి. 'హీరోస్‌ డోంట్‌ ఎగ్జిస్ట్‌' అనే ట్యాగ్‌లైన్‌ ఉంది. మరి ఇందులో రాముడు ఎవరో.. రావణాసురుడు ఎవరో సినిమా చూసి తెలుసుకోవాల్సిందే. ఇది చాలా ఎగ్జైటింగ్‌ థ్రిల్లర్‌. కొత్త ఎలిమెంట్స్‌ ఉన్నాయి. ట్రీట్‌మెంట్‌ కొత్తగా ఉంటుంది. ఈ సినిమాలో రవితేజ పాత్ర చాలా డిఫరెంట్‌గా ఉంటుంది. ఆయన్ని ఎప్పుడూ ఇలా చూడలేదు. నా పాత్ర కూడా చాలా కీలకంగా ఉంది. రవితేజతో కాంబినేషన్‌ సీన్ల్‌ ఖచ్చితంగా చాలా ఆసక్తికరంగా ఉంటాయి. ఇది చాలా డిఫరెంట్‌ మూవీ. ఇలాంటి కాన్సెప్ట్‌ తెలుగు సినిమాల్లో ఇప్పటివరకూ వినలేదు, చూడలేదు. నిర్మాత అభిషేక్‌తో గ్రేట్‌ జర్నీ. ఈ సినిమాలో ఈ పాత్రకి నన్ను తీసుకోవాలనే ఆలోచన కూడా ఆయనదే. ఇందులోని నా పాత్రని ప్రేక్షకులు ఎలా రిసీవ్‌ చేసుకుంటారోనని ఆసక్తిగా ఎదురు చూస్తున్నా. సోలో హీరోగా ఈ ఏడాది ఒక సినిమా ఉంటుంది. అలాగే చిరంజీవి గారితో 'భోళా శంకర్‌' సినిమా చేస్తున్నా' అని అన్నారు.
