నాని నటించిన పాన్‌ ఇండియా ఎంటర్‌టైనర్‌ 'దసరా'. మార్చి 30న ప్రపంచవ్యాప్తంగా విడుదలై బిగ్గెస్ట్‌ బ్లాక్‌ బస్టర్‌ విజయాన్ని అందుకుంది. కీర్తి సురేష్‌ కథానాయికగా, నూతన దర్శకుడు శ్రీకాంత్‌ ఒదెల దర్శకత్వంలో శ్రీ లక్ష్మీ వెంకటేశ్వర సినిమాస్‌ బ్యానర్‌ పై సుధాకర్‌ చెరుకూరి భారీ ఎత్తున నిర్మించిన ఈ చిత్రానికి అన్ని వర్గాల ప్రేక్షకులని నుంచి అద్భుతమైన స్పందన వస్తోంది. బాక్సాఫీసు వద్ద ప్రభంజనం సృష్టిస్తూ సక్సెస్‌ఫుల్‌గా ప్రదర్శితమవుతోంది.
ఈ సందర్భంగా హీరో నాని మీడియాతో మాట్లాడుతూ, 'ఈ సినిమా చూసిన వారంతా గొప్పగా స్పందిస్తుంటే, దీని కోసమే కదా సినిమా తీశాం అనిపించిది. చాలా ఆనందంగా ఉంది. రామ్‌చరణ్‌కు 'రంగస్థలం', అల్లుఅర్జున్‌కి 'పుష్ప', నాకు 'దసరా' అని సోషల్‌ మీడియాలో పోస్టులు పెడుతుంటే, నటుడిగా హ్యాపీగా ఫీల్‌ అయ్యా. కానీ తప్తి పడలేదు. సినిమా చేస్తున్నపుడే శ్రీకాంత్‌ చాలా పెద్ద డైరెక్టర్‌ అవుతాడని చెప్పాను. ప్రేమ, స్నేహం, పగ యూనివర్శల్‌గా కనెక్ట్‌ అయ్యే ఎమోషన్స్‌. మన కల్చర్‌ని సెలబ్రేట్‌ చేసుకునే సినిమా ఏదైనా దొరికితే అది అందరి దగ్గరకి తీసుకెళ్లడం మన బాధ్యత. ఈ సినిమా చేస్తున్నపుడు 'బతుకమ్మ'తో పాటు చాలా విషయాలు నేర్చుకున్నాను. దసరా మాస్‌ సినిమా. మేం ఊహించిన దానికంటే పెద్ద బ్లాక్‌బస్టర్‌ అయ్యింది. ఈ సినిమాకి నార్త్‌ నుంచి రెస్పాన్స్‌ చాలా అద్భుతంగా ఉంది. ఒక ఇమేజ్‌ వచ్చిన తర్వాత సేఫ్‌ గేమ్‌ ఆడాలని అందరూ అనుకుంటారు. అయితే సేఫ్‌ గేమ్‌ గొడవే మనకి లేదు (నవ్వుతూ)' అని తెలిపారు.
