సాయిధరమ్‌ తేజ్‌ హీరోగా నటిస్తున్న పాన్‌ ఇండియా మిస్టీక్‌ థ్రిల్లర్‌ 'విరూపాక్ష'. సంయుక్తమీనన్‌ కథానాయిక. కార్తీక్‌ దండు దర్శకత్వంలో శ్రీ వెంకటేశ్వర సినీ చిత్ర ఎల్‌ఎల్‌పీ, సుకుమార్‌ రైటింగ్స్‌ బ్యానర్స్‌పై బాపినీడు బి.సమర్పణలో బీవీఎస్‌ఎన్‌ ప్రసాద్‌ ఈ చిత్రాన్ని నిర్మిస్తున్నారు. తెలుగు, తమిళ, మలయాళ, కన్నడ, హిందీ భాషల్లో ఈనెల 21న ప్రపంచవ్యాప్తంగా ఈ చిత్రం విడుదల కానుంది. తాజాగా ఈ మూవీ నుంచి పాత్రలను పరిచయం చేస్తూ నిర్వహించిన వేడుకలో చిత్రయూనిట్‌ పాల్గొంది.సాయి ధరమ్‌ తేజ్‌ మాట్లాడుతూ, 'డైరెక్టర్‌ కార్తీక్‌ ఈ కథ చెప్పినప్పుడే ఈ సినిమా బ్లాక్‌ బస్టర్‌ హిట్‌ అవుతుందని అప్పుడే ఫిక్స్‌ అయ్యాను. అందర్నీ భయ పెట్టే స్టోరీ ఇది. ఈ సినిమాను చూసి మా అమ్మ, మీ అమ్మ గారు గర్వంగా చెప్పుకుంటారు. ఈ సినిమాకు కథే హీరో' అని తెలిపారు. కార్తిక్‌ దండు మాట్లాడుతూ,'మంచి కాన్సెప్ట్‌తో సినిమా తీశాం. కచ్చితంగా అందరికీ నచ్చుతుంది' అని చెప్పారు.'ఈ సినిమాకి సాంకేతిక నిపుణులే ప్రాణం. ఇది యూనివర్సల్‌ సబ్జెక్ట్‌. అందుకే పాన్‌ ఇండియా వైడ్‌గా రిలీజ్‌ చేస్తున్నాం' అని నిర్మాత బీవీఎస్‌ఎన్‌ ప్రసాద్‌ చెప్పారు.
