బాలీవుడ్‌ స్టార్‌ హీరో సల్మాన్‌ఖాన్‌ నటిస్తున్న కొత్త సినిమా 'కిసీ కా భాయ్‌ కిసీ కీ జాన్‌'. వెంకటేష్‌, భూమిక, పూజా హెగ్డే ఈ సినిమాకి ప్రధాన ఆకర్షణ కాగా, ఇందులో మరో సర్‌ప్రైజింగ్‌ ఎలిమెంట్‌ ఉందని మేకర్స్‌ హింట్‌ ఇస్తూనే వస్తున్నారు. ఇందులో రామ్‌చరణ్‌ స్పెషల్‌ అప్పియరెన్స్‌ ఇస్తారన్నప్పటి నుంచీ అభిమానుల అంచనాలు మామూలుగా లేవు. ఆయన నటించిన పాటను ఎప్పుడెప్పుడు చూద్దామా అని ఆతృతగా అందరూ వెయిట్‌ చేస్తున్నారు. ఆ అంచనాలన్నింటినీ ఒక్క స్టెప్‌తో, ఒక్క సాంగ్‌తో బీట్‌ చేసేలా మన ముందుకు తీసుకొచ్చింది చిత్ర యూనిట్‌. సల్మాన్‌ఖాన్‌, వెంకటేష్‌, పూజా హెగ్డేతో కలిసి రామ్‌చరణ్‌ డాన్స్‌ చేసిన ఈ పాట అభిమానులను, ప్రేక్షకులను ఊర్రుతలూగించేలా ఉంది. ఈ పాట విడుదలైన క్షణం నుంచే వైరల్‌ అయ్యింది. బాలీవుడ్‌ సినిమాలో 'ఏంటమ్మా' సాంగ్‌కు ఈ గ్రాండ్‌ ఎలివేషన్‌ తెలుగు పాటకు అందిన గౌరవం అంటూ సోషల్‌ మీడియాలో మెసేజ్‌లు వెల్లువెత్తుతున్నాయి. తెలుగు సీని ప్రేమికులకు సల్మాన్‌ ఖాన్‌ నుంచి అందిన ప్రత్యేకమైన కానుక అని అంటున్నారు.
వెండితెరపై మర్చిపోలేని క్షణాల్లో ఇవి కూడా ఉన్నాయంటూ రామ్‌చరణ్‌ పోస్ట్‌ చేసిన ట్వీట్‌ వైరల్‌ అవుతోంది. ఇద్దరు లెజెండ్స్‌తో స్టెప్పులేయడం మర్చిపోలేని అనుభూతి అని రామ్‌చరణ్‌ తన ఆనందాన్ని వ్యక్తం చేశారు. ఈ సినిమా ఈద్‌కి విడుదల కానుంది. పాయల్‌ దేవ్‌ స్వరపరచిన 'ఏంటమ్మా' పాట తప్పకుండా సల్మాన్‌ ఫ్యాన్స్‌కీ స్పెషల్‌ ట్రీట్‌ అవుతుందని చెప్పడంలో ఏమాత్రం సందేహం లేదు.
