జిఎల్‌బి సినిమా బ్యానర్‌ పై నిర్మిస్తున్న చిత్రం ''ధూమ్‌ దామ్‌ దుమారం'. జిఎల్‌బి శ్రీనివాస్‌ ఈ చిత్రాన్ని స్వీయ దర్శకత్వంలో తెరకెక్కిస్తున్నారు. ప్రస్తుతం ఈ సినిమా చిత్రీకరణ శరవేగంగా జరుగు తున్న సందర్భంగా ఎగ్జిక్యూటివ్‌ ప్రొడ్యూసర్‌ రాజు బి యాదవ్‌ మాట్లాడుతూ,'ఈ సినిమా అనుకున్న విధంగా చాలా బాగా వస్తోంది. ఒక మారుమూల గ్రామం నుండి హైదరాబాద్ నగరానికి వచ్చిన ఒక నాయిని బ్రాహ్మణ కుర్రాడి కథ ఇది. అతను కటింగ్‌ షాపు మెయింటెన్‌ చేస్తూ, అనుకోని సంఘటన వల్ల నగరంలో జరుగుతున్న ఒక మాఫియా గ్యాంగ్‌తో ఇరుక్కుంటాడు. ఆ తర్వాత ఏం జరిగిందనేది ఆద్యంతం ఆసక్తికరంగా ఉంటుంది. ఈ నెలలో కొమురవెల్లిలోని టెంపుల్‌, ఇతర పరిసర ప్రాంతాలలో ఫైట్‌సీన్స్‌, ఫ్యామిలీ సెంటిమెంట్‌ సీన్స్‌ తెరకెక్కిస్తాం. సరికొత్త కాన్సెప్ట్‌తో వస్తున్న ఈ సినిమా అందర్నీ కచ్చితంగా మెప్పిస్తుంది' అని తెలిపారు. మల్లిక్‌ బాబు హీరోగా, హీరోయిన్‌గా ఇషాను నటిస్తున్నారు. రాజుబి యాదవ్‌ ప్రధాన పాత్రలో కనిపించనున్న ఈ చిత్రంలో లక్ష్మీరావు, హైమావతి, ఎం.సుబ్బరాజు, నరసింహ, నవల్‌ కిషోర్‌ అగర్వాల్‌, మహేష్‌ గూడుగుంట్ల, మల్లాది శాస్త్రి , టి వెంకటేష్‌ తదితరులు నటిస్తున్నారు. దీనికి కథ -నిర్మాత -దర్శకత్వం: జి ఎల్‌ బి శ్రీనివాస్‌.
