అల్లు అర్జున్‌ హీరోగా, డైరెక్టర్‌ సుకుమార్‌ తెరకెక్కించిన చిత్రం 'పుష్ప'. ఈ సినిమా రికార్డుల గురించి, కలెక్షన్ల గురించి ప్రత్యేకంగా చెప్పాల్సిన అవసరం లేదు. పుష్ప రాజ్‌ క్యారెక్టర్‌ను అద్భుతంగా డిజైన్‌ చేసి వరల్డ్‌వైడ్‌గా అందరి దష్టిని ఆకర్షించారు దర్శకుడు సుకుమార్‌. పుష్పరాజ్‌గా అల్లు అర్జున్‌ నటించిన తీరు, డైలాగ్‌ డెలివరీ, వాయిస్‌ మాడ్యుకేషన్‌, యాటిట్యూడ్‌ ఇవన్నీ అందర్నీ అద్భుతమైన అనుభూతినిచ్చాయి. అప్పటివరకు తెలుగు, మలయాళ ప్రేక్షకులకు మాత్రమే సుపరిచితమైన అల్లు అర్జున్‌  ఈ సినిమాతో విశ్వవ్యాప్తంగా ప్రేక్షకులందరికీ చేరువయ్యారు. ఈ చిత్రానికి సీక్వెల్‌గా 'పుష్ప 2' చిత్రం రాబోతున్న సంగతి తెలిసిందే. ఈ చిత్ర గ్లిమ్స్‌ను రీసెంట్‌గా రిలీజ్‌ చేసిందీ చిత్రం బందం. 20 సెకన్ల నిడివిగల ఈ గ్లిమ్ప్స్‌లో ఆసక్తికరమైన విషయం ఏంటంటే 'తిరుపతి జైలు నుండి బుల్లెట్‌ గాయాలతో తప్పించుకున్న పుష్ప' అని న్యూస్‌ వస్తుంది. ఆ తరువాత 'అసలు పుష్ప ఎక్కడ' అని ఒక వాయిస్‌ ఓవర్‌ వినిపిస్తుంది.  దీని పూర్తి వీడియోను అల్లు అర్జున్‌ బర్త్డే కానుకగా ఈనెల 7న సాయంత్రం 4:05 నిమిషాలకు రిలీజ్‌ చేయనున్నారు. రష్మిక మందన్న నాయికగా నటిస్తున్న ఈ చిత్రంలో ఫహద్‌ ఫాజిల్‌, ధనుంజయ, సునీల్‌, అనసూయ భరద్వాజ్‌ కీలక పాత్రలు పోషిస్తున్నారు.