ప్రభాస్‌, కృతి సనన్‌ జంటగా నటించిన బాలీవుడ్‌ సినిమా 'ఆదిపురుష్‌'. ఓంరౌత్‌ డైరెక్ట్‌ చేసిన ఈ చిత్రాన్ని రామాయణ ఇతిహాసం ఆధారంగా రూపొందించారు. ప్రభాస్‌ రాముడుగా, కృతి సీత పాత్రలో నటించిన ఈ చిత్రంలో హనుమంతుడుగా దేవదత్త నాగే నటించారు. గురువారం హనుమాన్‌ జయంతి సందర్భంగా దేవదత్త నాగు హనుమంతుడు గెటప్‌లో ఉన్న లుక్‌ను చిత్ర బృందం విడుదల చేసింది. అలాగే దీంతో పాటు రిలీజ్‌ చేసిన ఓ పాట ట్యూన్‌తో పాటు లిరిక్స్‌ అద్భుతంగా ఉన్నాయి. అదిరిపోయే బ్యాక్‌గ్రౌండ్‌ మ్యూజిక్‌తో ఉన్న ఈ పాట హనుమంతుడు అంటే బలం, పట్టుదల, విధేయత మూర్తీభవించిన యోధుడు అనే అంశాలను హైలెట్‌ అయ్యేలా మేకర్స్‌ శ్రీ భజరంగ్‌బలి పోస్టర్‌ను ఆవిష్కరించారు. టి-సిరీస్‌, భూషణ్‌ కుమార్‌, క్రిషన్‌ కుమార్‌, ఓం రౌత్‌, ప్రసాద్‌ సుతార్‌, రెట్రోఫిల్స్‌కు చెందిన రాజేష్‌ నాయర్‌, యువి క్రియేషన్స్‌కు చెందిన వంశీ, ప్రమోద్‌ల సహకారంతో నిర్మించారు. జూన్‌ 16న ఈ సినిమా ప్రపంచవ్యాప్తంగా విడుదల కానుంది.
