గోపీచంద్‌ కథానాయకుడిగా శ్రీవాస్‌ దర్శకత్వం వహించిన చిత్రం 'రామబాణం'. యాక్షన్‌ అండ్‌ ఫ్యామిలీ ఎంటర్‌టైనర్‌గా రూపొందుతున్న ఈ సినిమాలోని హీరో క్యారెక్టర్‌ ఇంట్రడక్షన్‌ గ్లింప్స్‌కి అద్భుతమైన స్పందన వచ్చింది. తాజాగా గురువారం ఈ చిత్రంలోని ఫస్ట్‌ సింగిల్‌ 'ఐఫోన్‌...' లిరికల్‌ వీడియోను మేకర్స్‌ విడుదల చేసి, మ్యూజికల్‌ జర్నీ ప్రారంభించారు.మిక్కీ జె మేయర్‌ హై-స్పీడ్‌ బీట్స్‌తో మాస్‌ డ్యూయెట్‌ను కంపోజ్‌ చేశారు. అద్భుతమైన వోకల్స్‌, సూపర్బ్‌ డ్యాన్సులు, క్లాసీ విజువల్స్‌తో ఇది మాస్‌ యుఫోరియాను సృష్టిస్తుంది. మాస్‌ పాటలు రాయడంలో స్పెషలిస్ట్‌ అయిన కాసర్ల శ్యామ్‌ అద్భుతమైన సాహిత్యం అందించారు. తెలంగాణ యాసలో ఈ పాటను రాశారు. రామ్‌ మిరియాల, మోహన భోగరాజు వోకల్స్‌లో కావాల్సిన ఎనర్జీ ఉంది. గోపీచంద్‌, డింపుల్‌ హయాతి గ్రేస్‌ ఫుల్‌ డ్యాన్స్‌ మూమెంట్స్‌తో ఆకట్టు కున్నారు. ఈ మాస్‌ డ్యూయెట్‌లో చాలా కూల్‌గా కనిపించి, రాకింగ్‌ కెమిస్ట్రీని పంచుకున్నారు. పీపుల్‌ మీడియా ఫ్యాక్టరీ పతాకంపై టీజీ విశ్వ ప్రసాద్‌ నిర్మించగా, వివేక్‌ కూచిభొట్ల సహ నిర్మాతగా నిర్మిస్తున్న ఈ చిత్రాన్ని సమ్మర్‌ కానుకగా మే 5న రిలీజ్‌ చేస్తున్నారు.
