అఖిల్‌ అక్కినేని, దర్శకుడు సురేందర్‌ రెడ్డి కాంబోలో రూపొందుతున్న పాన్‌ ఇండియా ప్రాజెక్ట్‌ 'ఏజెంట్‌'. నేడు (శనివారం) హీరో అఖిల్‌ పుట్టినరోజు సందర్భంగా మేకర్స్‌ ఓ అల్ట్రా స్టైలీష్‌ పోస్టర్‌ని రిలీజ్‌ చేశారు. అంతేకాదు ఈ చిత్రాన్ని ఈనెల 28న ప్రపంచవ్యాప్తంగా గ్రాండ్‌గా విడుదల చేస్తున్నట్టు అధికారికంగా ప్రకటించారు. మొత్తమ్మీద 'ఏజెంట్‌'తో సమ్మర్‌ రేస్‌లోకి వచ్చారు అఖిల్‌. ఈ సినిమాకి లాంగ్‌ హాలిడేస్‌ చాలా అడ్వాంటేజ్‌ కానున్నాయి. అనౌన్స్‌ మెంట్‌ పోస్టర్‌లో భారీ పేలుడు జరుగుతున్నప్పుడు, మెషిన్‌ గన్‌ పట్టుకుని ఫెరోషియస్‌గా ఉన్న అఖిల్‌ యాక్షన్‌-ప్యాక్డ్‌ అవతార్‌లో కనిపించారు. ఇదొక స్పై హై యాక్షన్‌ ఎంటర్‌టైనర్‌. సురేందర్‌రెడ్డి మునుపెన్నడూ చూడని అవతార్‌, క్యారెక్టర్‌లో అఖిల్‌ని ప్రెజెంట్‌ చేస్తున్నారు.