పెగాసిస్‌ వారు నిర్వహిస్తున్న 'మిసెస్‌ ఇండియా గ్లోబల్‌' ఫైనల్స్‌కు సినీనటి అంకిత ఠాకూర్‌ సెలక్ట్‌ అయ్యారు. ఈ నెల 11న కేరళలోని కొచ్చిలో ఫైనల్స్‌ జరగనున్నాయి. ఈ సందర్భంగా తెలంగాణ నుంచి 'మిసెస్‌ ఇండియా గ్లోబల్‌'కు ఎంపికైన అంకిత ఠాకూర్‌ శనివారం మీడియా సమావేశాన్ని ఏర్పాటు చేశారు. ఈ కార్యక్రమంలో 'మిస్‌ ఆసియా' రష్మి ఠాకూర్‌, తెలంగాణ ఫిలిం ఛాంబర్‌ ఛైర్మన్‌ డా.ప్రతాని రామకృష్ణ గౌడ్‌ తదితరులు పాల్గొన్నారు. ఈ సందర్భంగా అంకిత ఠాకూర్‌ మాట్లాడుతూ, 'తెలంగాణకు ప్రాతినిధ్యం వహిస్తూ 'మిసెస్‌ ఇండియా గ్లోబల్‌' ఫైనల్స్‌కు చేరుకోవడం చాలా సంతోషంగా ఉంది. తెలంగాణ ప్రజలంతా ఓటింగ్‌ ద్వారా నాకు సపోర్ట్‌ చేస్తారని కోరుకుంటున్నా' అని తెలిపారు. 'మిస్‌ ఆసియా', తెలంగాణ మా అసోసియేషన్‌ ప్రెసిడెంట్‌ రష్మీ ఠాకూర్‌ మాట్లాడుతూ, 'అంకిత ఠాకూర్‌కు నేను ట్రైనీగా ఉన్నాను. కచ్చితంగా తను 'మిస్‌ ఇండియా గ్లోబల్‌' క్రౌన్‌ గెలుచుకుని వస్తుందన్న నమ్మకం ఉంది. మన తెలంగాణను రిప్రజెంట్‌ చేస్తోన్న అంకిత ఠాకూర్‌కి ఓటింగ్‌ ద్వారా తెలంగాణతో పాటు తెలుగు ప్రజలంతా సపోర్ట్‌ చేయండి' అని తెలిపారు. 'అంకిత ఠాకూర్‌కు తెలంగాణ ప్రజలతో పాటు, తెలుగు వారందరూ కూడా ఓట్లు వేసి మద్దతు తెలిపితే ఆమె కచ్చితంగా 'మిసెస్‌ ఇండియా గ్లోబల్‌' గెలుచుకుని వస్తుంది. ప్రస్తుతం రష్మీ ఠాకూర్‌, అంకిత ఠాకూర్‌లు హీరోయిన్లుగా రెండు చిత్రాలు నిర్మిస్తున్నాను' అని తెలంగాణ ఫిలించాంబర్‌ చైర్మన్‌ డా.ప్రతాని రామకృష్ణగౌడ్‌ చెప్పారు.
