అల్లరి నరేష్‌, విజయ్‌ కనకమేడల కాంబోలో రూపొందుతున్న రెండవ ఆసక్తికరమైన ప్రాజెక్ట్‌ 'ఉగ్రం'. టీజర్‌లో 'ఉగ్రం' ఇంటెన్స్‌తో పాటు యాక్షన్‌ ఎలిమెంట్స్‌తో ఉండనుందని ప్రజెంట్‌ చేయగా, ఫ్యామిలీ ఆడియన్స్‌ని కూడా సినిమా ఆకట్టుకునేలా ఉంటుందని పాటల ద్వారా తెలుస్తోంది. మొదటి పాట 'దేవేరి..' బ్లాక్‌బస్టర్‌ కాగా, లేటెస్ట్‌గా సెకండ్‌ సింగిల్‌ విడుదలైంది. 'అల్బెలా అల్బెలా..' అంటూ సాగే ఈ పాటను హీరో నాని లాంచ్‌ చేశారు. శ్రీచరణ్‌ పాకాల పెప్పీ బీట్స్‌తో అందించిన ఈ ప్లజెంట్‌ సాంగ్‌లో కుటుంబంతో గడపడం ఎంత ముఖ్యమో తెలిపారు. 'పోలీసు పాత్రలో నటించిన అల్లరి నరేష్‌ తన భార్య మిర్నా, కూతురితో హాయిగా గడపడానికి పని నుండి బ్రేక్‌ తీసుకున్నారు. ఈ విషయాన్ని భాస్కరభట్ల పాట ద్వారా తెలియజేశారు. రేవంత్‌, శ్రావణ భార్గవి బ్యూటీఫుల్‌గా ఆలపించారు. విజువల్స్‌ మరింత ఆహ్లాదకరంగా ఉన్నాయి. మనం కూడా విశ్రాంతి తీసుకొని కుటుంబంతో గడిపిన అనుభూతిని పొందుతాము. ఇది మరో చార్ట్‌బస్టర్‌ కానుంది. యాక్షన్‌ థ్రిల్లర్‌గా రూపొందిన ఈ చిత్రాన్ని షైన్‌ స్క్రీన్స్‌ బ్యానర్‌పై సాహు గారపాటి, హరీష్‌ పెద్ది నిర్మించారు. వేసవి కానుకగా మే 5న ఈ చిత్రాన్ని థియేటర్లలో విడుదల చేయనున్నారు' అని చిత్ర బృందం తెలిపింది. అల్లరి నరేష్‌, మిర్నా జంటగా రూపొందుతున్న ఈ చిత్రానికి రచన, దర్శకత్వం: విజయ్‌ కనకమేడల, కథ: తూమ్‌ వెంకట్‌, డైలాగ్స్‌: అబ్బూరి రవి, డీవోపీ: సిద్‌ సంగీతం: శ్రీచరణ్‌ పాకాల, ఎడిటర్‌: ఛోటా కె ప్రసాద్‌, ప్రొడక్షన్‌ డిజైనర్‌: బ్రహ్మ కడలి.
