భీమ్స్‌ సిసిరిలియో సంగీత సారథ్యంలో జానీ మాస్టర్‌ శిష్యురాలు శ్రష్టి వర్మ నృత్య దర్శకత్వంలో మానస్‌, విష్ణు ప్రియ జంటగా రూపొందించిన 'గంగులు' ఫోక్‌ సాంగ్‌ను నివ్రితి వైబ్స్‌ యూట్యూబ్‌ ఛానల్‌ ద్వారా గ్రాండ్‌గా విడుదల చేసారు.
జ్యోతి కున్నూరు ఈ పాటను నిర్మించారు. తెలుగుదనం ఉట్టి పడేలా స్వచ్ఛమైన తెలుగు పదాలతో తరుణ్‌ సైదులు రాసిన లిరిక్స్‌కు స్వరాజ్‌ కీర్తన్‌ అంతే వినసొంపుగా చాలా బాగా పాడాడు. ఈ పాటకు భీమ్స్‌ సిసిరిలియో అద్భుతమైన మ్యూజిక్‌ ఇవ్వగా, పాటకు తగ్గట్టే సాయి శ్రీ రామ్‌ చాలా చక్కటి విజువల్స్‌ ఇచ్చాడు. శ్రష్టి వర్మ కోరియోగ్రఫీలో వచ్చిన ఈ పాట ప్రస్తుతం యూట్యూబ్‌ లో ట్రెండ్‌ అవుతుంది.
ఈ సందర్భంగా నివృతి వైబ్స్‌ మనోహర్‌ మాట్లాడుతూ, 'విష్ణు ప్రియ, మానస్‌ కాంబినేషన్‌లో వస్తున్న రెండో సాంగ్‌ ఇది. అంతేకాకుండా భీమ్స్‌ సంగీత దర్శకత్వంలో వస్తున్న ఈ సాంగ్‌ కూడా రెండవది. ఇదివరకే మా నివృతిలో వచ్చిన 'జరీ జరీ' సాంగ్‌ 50 మిలియన్లు దాటింది. ఆ సాంగ్‌ను 100 మిలియన్లకు రీచ్‌ అయ్యేలా చేసి, ఇప్పుడు వస్తున్న గంగులు సాంగ్‌ను కూడా 100 మిలియన్లకు రీచ్‌ అయ్యేలా తీసుకెళ్తారని ఆశిస్తున్నాను' అని అన్నారు.
'మానస్‌, విష్ణు ప్రియ చాలా బాగా డ్యాన్స్‌ చేశారు. నివృతి వైబ్స్‌లో వచ్చిన అన్ని పాటలు హిట్‌ అయినట్లే ఇప్పుడు వస్తున్న 'గంగులు' పాట కూడా అన్ని లాంగ్వేజ్‌లో బిగ్‌ హిట్‌ అవ్వాలని మనస్ఫూర్తిగా కోరుకుంటున్నాను' అని సంగీత దర్శకుడు భీమ్స్‌ చెప్పారు.