విభిన్నమైన కంటెంట్‌తో తెలుగు ప్రేక్షకులను ఎంటర్‌టైన్‌ చేస్తున్న డిస్నీ ప్లస్ ఇప్పుడు 'సేవ్‌ ది టైగర్స్‌' వంటి మరో మంచి కథతో వస్తోంది. ప్రియదర్శి, అభినవ్‌ గోమటం, చైతన్యకష్ణ, పావని, జోర్దార్‌ సుజాత, దేవయాని ప్రధాన పాత్రల్లో నటించిన వెబ్‌ సిరీస్‌ 'సేవ్‌ ద టైగర్స్‌'. అంతరించిపోతున్న పులుల్ని, మొగుళ్లని కాపాడుకుందాం అనేది ఉపశీర్షిక.నటుడుగా మంచి గుర్తింపు తెచ్చుకున్న తేజా కాకుమాను ఈ చిత్రానికి దర్శకుడు. ఆనందో బ్రహ్మ, యాత్ర చిత్రాల ఫేమ్‌ మహి వి రాఘవ, ప్రదీప్‌ అద్వైతం షో రన్నర్లుగా వ్యవహరిస్తున్నారు. ఈ వెబ్‌ సిరీస్‌ డిస్నీ ప్లస్ హాట్‌ స్టార్‌లో ఈనెల 27 నుంచి స్ట్రీమీంగ్‌ కాబోతోంది.షో రన్నర్‌ మహి వి రాఘవ మాట్లాడుతూ, 'ప్రతి ఇంట్లోనూ ఒక కామెడీ స్టోరీ ఉంటుంది. భార్య భర్తల మధ్య ఉండే జోక్‌ ఎప్పుడు ఫెయిల్‌ కాదు. ఎవరి యుద్ధం వాళ్ళది. ఒకప్పుడు పెద్దవాళ్ళు చెబితే వినేవారు. ఇప్పుడు భార్య, భర్త జాబ్స్‌ చేయడం వాళ్ళ ఒక డామినేటింగ్‌ వస్తుంది. అది ఒక సంఘర్షణకు దారి తీస్తుంది. మా సిరీస్‌ ఖచ్చితంగా అందరు చూసేలా ఉంటుంది. ముఖ్యంగా కుటుంబాల్లో ఆడవారి వల్ల మగవాళ్లు పడే బాధలను ఎంటర్టైనింగ్‌గా చూపిస్తూ రూపొందించిన సిరీస్‌ ఇది' అని తెలిపారు.
